ଭୁବନେଶ୍ୱର– କଟକ ଜିଲ୍ଲାର ୭ଟି ନୂଆ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ଏଥି ମଧ୍ୟରୁ ତିନି ଜଣ କଟକ ମହାନଗର ନିଗମ ଅଂଚଳର ବୋଲି ଜଣା ପଡିଛି । ସିଏମସି ପକ୍ଷରୁ ଟ୍ୱିଟ କରି ଏହି ସୂଚନା ଦିଆ ଯାଇଛି ।
ସିଏମସି ପକ୍ଷରୁ କୁହା ଯାଇଛି ଯେ ଏମାନଙ୍କ ମଧ୍ୟରୁ ଜଣେ ୫୨ ବର୍ଷୀୟ ପୁରୁଷ ଅଛନ୍ତି । ସେ ମୁମ୍ବାଇରୁ ଫେରିଥିଲେ । ସେହିପରି ୩୯ ବର୍ଷୀୟ ଜଣେ ବ୍ୟକ୍ତି ଆକ୍ରାନ୍ତ ହୋଇଛନ୍ତି । ସେ ମଧ୍ୟ ମୁମ୍ବାଇରୁ ଫେରିଥିଲେ । ସେହିପରି ଭାବେ କୋଲକାତା ଫେରନ୍ତା ୨୮ ବର୍ଷୀୟ ଯୁବକ ଜଣଙ୍କ ମଧ୍ୟ କରୋନା ଆକ୍ରାନ୍ତ ହୋଇଥିବା ଟ୍ୱିଟରେ ପ୍ରକାଶ କରା ଯାଇଛି ।
