ବ୍ରହ୍ମପୁର : ଗଞ୍ଜାମ ପୋଲିସ ଜିଲ୍ଲାର ବିଭିନ୍ନ ଥାନା ପକ୍ଷରୁ ପୋଲିସର ଧରପଗଡ ଜାରି ରହିଛି । ଗତ ୨୪ଘଣ୍ଟା ମଧ୍ୟରେ ବିଭିନ୍ନ ଥାନା ପକ୍ଷରୁ ମାସ୍କ ପିନ୍ଧିନଥିବା ଅମାନିଆଙ୍କ ଠାରୁ ୩୭ହଜାର ୭୦୦ଟଙ୍କା ଜୋରିମାନା ଆଦାୟ କରାଯାଇଛି । ନାଇଟ୍ କର୍ଫ୍ୟୁ ଉଲ୍ଲଂଘନ ନେଇ ୧୫୦୦ଟଙ୍କା ଜୋରିମାନା କରାଯାଇଛି । ଏଥିସହ ୩ଟି ଜୁଆ ଆଡ୍ଡାରେ ଚଢ଼ାଉ କରାଯାଇ ୭୦ହଜାର ୧୫୦ଟଙ୍କା ଏବଂ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ୨୨୭୩ଲିଟର ମଦ ଜବତ ହୋଇଛି । ଏନେଇ ବୁଧବାର ଗଞ୍ଜାମ ଏସ୍ପି ବ୍ରିଜେଶ କୁମାର ରଏ ଟ୍ୱିଟ୍କରି ସୂଚନା ଦେଇଛନ୍ତି । ସେହିପରି ମାସ୍କ ନପିନ୍ଧିବା ଅଭିଯୋଗରେ ୩୭ହଜାର ଟଙ୍କା ଜୋରିମାନା ଆଦାୟ କରାଯାଇଥିବା ଜିଲ୍ଳା ପୋଲିସ ମୁଖ୍ୟାଳୟରୁ ସୂଚନା ମିଳିଛି ।
