ବ୍ରହ୍ମପୁର : ପୁରୁଷୋତ୍ତମପୁର ଅବକାରୀ ବିଭାଗ ପକ୍ଷରୁ ବିପୁଳ ପରିମାଣରେ ବିଦେଶୀ ଓ ଦେଶୀ ମଦ ଜବତ କରାଯାଇଥିବା ନେଇ ଅବକାରୀ ଇନ୍ସିପେକ୍ଟର ଅକଳା ସୁନା ସୂଚନା ଦେଇଛନ୍ତି । ଦେଇଥିବା ସୂଚନା ପ୍ରକାରେ ମଙ୍ଗଳବାର ସକାଳେ ପୁରୁଷୋତ୍ତମପୁର ଅବକାରୀ ବିଭାଗ ଅଧିନସ୍ଥ ପ୍ରତାପପୁର, ସିକୁଳା, ଆଚୁଲି ଛକ ଓ କେ.ଏନ୍ ପୁର ଅଞ୍ଚଳରେ ପାଟ୍ରୋଲିଂ କରୁଥିବା ବେଳେ କିଛି ବ୍ୟକ୍ତି ୨୩୪ଲିଟର ଦେଶୀ ମଦ ଧରି ଯାଉଥିବା ଜାଣି ଚଢ଼ାଉ କରାଯାଇଥିଲା । ସେହିପରି ଉକ୍ତ ଅଞ୍ଚଳରେ ୧୭ଲିଟର ବିଦେଶୀ ମଦ ଜବତ କରାଯାଇଛି । ୨ଟି ଘଟଣାରେ ଅବକାରୀ ବିଭାଗ ୫ଜଣ କୁଚିଆ ମଦ ବ୍ୟବସାୟୀଙ୍କୁ ଗିରଫ କରିବା ସହ ୩ଟି ମୋଟର ସାଇକେଲ୍ ଜବତ କରିଥିବା ସେ ସୂଚନା ଦେଇଛନ୍ତି । ପୁରୁଷୋତ୍ତମପୁର ଅଞ୍ଚଳରେ ନକଲି ମଦ କାରବାରକୁ ଠପ୍ କରିଥିବାରୁ ଅବକାରୀ ବିଭାଗ ଅଧିକାରୀଙ୍କୁ ବିଭିନ୍ନ ମହଲରେ ସାଧୁବାଦ ଦିଆଯାଉଛି । ଏହି ଚଢ଼ାଉରେ ଅନ୍ୟମାନଙ୍କ ମଧ୍ୟରେ ଦୂର୍ଯ୍ୟଧନ ଦିଗାଲ, କୁମୁଦ ନାୟକଙ୍କ ସମେତ ଅବକାରୀ ବିଭାଗର କର୍ମଚାରୀମାନେ ସାମିଲ୍ ହୋଇଥିଲେ ।
