ବ୍ରହ୍ମପୁର : ବ୍ରହ୍ମପୁର ସହରରେ ସୋମବାର ରାତିରେ ଏକ ଅଗ୍ନିକାଣ୍ଡ ଘଟିଥିବା ଜଣାପଡିଛି । ବ୍ରହ୍ମପୁର ସହରର ଖାଲା ସାହିରେ ରହୁଥିବା ମହମ୍ମଦ ଜଲିଲଙ୍କ ୩ମହଲା ଘରେ ଅଗ୍ନିକାଣ୍ଡ ଘଟିଥିଲା । ଘରର ଦ୍ୱିତୀୟ ମହଲାରେ ରାତ୍ରି ପ୍ରାୟ ସାଢ଼େ ୨ଟା ସମୟରେ ଏହି ଅଗ୍ନିକାଣ୍ଡ ଘଟିଥିଲା । ଘରେ ନିଆଁ ଲାଗିଥିବା ଦେଖି ମହମ୍ମଦ ଜଲିଲଙ୍କ ପରିବାର ଲୋକେ ଘର ବାହାରକୁ ଆସିଥିଲେ ଏବଂ ଅଗ୍ନିଶମ ବାହିନୀକୁ ଖବର ଦେଇଥିଲେ । ଦମକଳବାହିନୀର ୧୦ଜଣ କର୍ମଚାରୀ ୩ଟି ଗାଡିରେ ଆସି ନିଆଁ ଲିଭାଇଥିଲେ । ତେବେ ଏହି ଅଗ୍ନିକାଣ୍ଡରେ ବିପଳ ପରିମାଣରେ ସମ୍ପତି ନଷ୍ଟ ହୋଇଥିବା ଜଣାପଡିଛି । ସୂଚନାଯୋଗ ଯେ, କିଛିଦିନତଳେ ବ୍ରହ୍ମପୁର ସହରରେ ଏଭଳି ଏକ ବଡ ଧରଣର ଅଗ୍ନିକାଣ୍ଡ ଘଟିବା ଫଳରେ ବରିଷ୍ଠ ବିଜେଡି ନେତା ଅଲେଖ ଚୌଧୁରୀଙ୍କ ସମେତ ୩ଜଣଙ୍କ ମୃତ୍ୟୁ ହୋଇଥିଲା ।
