ନୂଆଦିଲ୍ଲୀ— କରୋନା ଭାଇରସ ଭୂତାଣୁ ଯୋଗୁଁ ବିଶ୍ୱରେ ମୃତକଙ୍କ ସଂଖ୍ୟା ୪ ଲକ୍ଷ ୮ ହଜାର ୨୪୦ରେ ପହଞ୍ଚିଛି । ମଙ୍ଗଳବାର ସକାଳ ସାଢ଼େ ୬ଟା ପର୍ଯ୍ୟନ୍ତ ୭୧ ଲକ୍ଷ ୮୯ ହଜାର ୮୬୮ ଜଣ ସଂକ୍ରମିତ ହୋଇଛନ୍ତି । ଏଥିରୁ ୩୫ ଲକ୍ଷ ୩୧ ହଜାର ୪୭୯ ଜଣ ସୁସ୍ଥ ହୋଇଥିବା ବେଳେ ୩୨ ଲକ୍ଷ ୫୦ ହଜାର ୧୪୯ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ଏବେ ବି ୫୩ ହଜାର ୭୯୮ ଜଣ ଗୁରୁତର ଅଛନ୍ତି ।
ଯୁକ୍ତରାଷ୍ଟ୍ର ଆମେରିକାରେ କରୋନା ସଂକ୍ରମିତ ଲୋକଙ୍କର ସଂଖ୍ୟା ୨୦ ଲକ୍ଷ ୨୬ ହଜାର ୪୯୩ ଜଣ । ଏଠାରେ ୧ ଲକ୍ଷ ୧୩ ହଜାର ୫୫ ଜଣଙ୍କ ମୃତ୍ୟୁ ହୋଇଥିବା ବେଳେ ମୋଟ ୭ ଲକ୍ଷ ୭୨ ହଜାର ୭୩୫ ଜଣ ସୁସ୍ଥ ହୋଇଛନ୍ତି । ଅପରପକ୍ଷେ ୧୧ ଲକ୍ଷ ୪୦ ହଜାର ୭୦୩ ଜଣ ସକ୍ରିୟ ଆକ୍ରାନ୍ତ ଥିବା ବେଳେ ଗୁରୁତର ଆକ୍ରାନ୍ତଙ୍କ ସଂଖ୍ୟା ହେଉଛି ୧୬ ହଜାର ୯୦୩ ଜଣ ।
