ବ୍ରହ୍ମପୁର: ସୋମବାର ସନ୍ଧ୍ୟାରେ ବିଜୁଳୀ ସହ ଘଡଘଡି ବର୍ଷା ଯୋଗୁ ଜିଲ୍ଲାର ବିଭିନ୍ନ ସ୍ଥାନରେ ବଜ୍ରାଘାତ ଘଟିଛି । କେଉଁଠି ଗଛ ପଡିଛି ତ କେଉଁଠି ଗାଈଗୁହାଳ ପୋଡି ଛରଖାର ହୋଇଯାଇଛି । କୁକୁଡାଖଣ୍ଡି ବ୍ଲକ୍ ଜଗଦଳପୁର ପଞ୍ଚାୟତ ଜଗଦଳପୁର ଗ୍ରାମର ଡମ୍ବୁରୁ ନାୟକ ଓ କାଳୀଆ ନାୟକ ୨ ଭାଇଙ୍କ ଦୁଇ ୧୭ବର୍ଷୀୟ ଝିଅ ନଳକୂପରେ ଗାଧୋଇ ଘରକୁ ଫେରିବା ବେଳେ ବଜ୍ରଘାତର ସ୍ୱୀକାର ହୋଇଥିଲେ । ତାଙ୍କ ଶରୀରର ବିଭିନ୍ନ ସ୍ଥାନ ପୋଡିଯାଇଥିବା ବେଳେ ଗ୍ରାମବାସୀ ଉଦ୍ଧାରକରି ଆମ୍ବୁଲାନ୍ସ ଯୋଗେ ବ୍ରହ୍ମପୁର ବଡ ଡାକ୍ତରଖାନାକୁ ଚିକିତ୍ସା ପାଇଁ ନେଇଥିବା ଜଣାପଡିଛି ।
