ଜୟପୁର 
– କୋରପୁଟ ଜିଲା କୋଟପାଡ଼ ଅଂଚଳର ସୌରାସାହିରେ ପାଇଖାନା ଟାଙ୍କିରେ ଶ୍ୱାସରୁଦ୍ଧ ହୋଇ ଜଣେ ଶ୍ରମିକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟଜଣେ ଆହତ ହୋଇଛନ୍ତି । ମୃତ ବ୍ୟକ୍ତି ଜଣକ ହେଲେ ପଦ୍ମନ ·ଲାଣ (୨୫) । ସେ କଂଟା ସୁରିଗୁଡାର ବୋଲି ଜଣା ପଡ଼ିଛି । ସେହିପରି ଆହତ ଶ୍ରମିକ ହେଲେ ଡମ୍ବରୁଧର ମାଝି(୩୦) । ତାଙ୍କୁ ଗୁରୁତର ଅବସ୍ଥାରେ କୋରପୁଟ ମେଡିକାଲ ରେ ଭର୍ତି କରଯାଇଛି ।
ସୂଚନା ଅନୁଯାୟୀ ସୌରସାହିର ମାଳିକା ଅର୍ଜୁନ ରାଓ ଙ୍କ ଆବାସ ଯୋଜନାରେ ନିର୍ମାଣ ଧୀନ ଲେଟିନ ଟାଙ୍କିରେ ଦୁଇ ଶ୍ରମିକ କାମ କରୁଥିଲେ । ବୁଧବାର ଦିନ ୧୧.୩୦ ମିନିଟ ସମୟରେ ଉଭୟ ଟାଙ୍କି ଭିତରେ ଶ୍ୱାସରୁଦ୍ଧ ହୋଇଯାଇଥିଲେ । ସେମାନଙ୍କୁ ଉଦ୍ଧାର କରି କୋଟପାଡ଼ ମେଡିକାଲ ରେ ଭର୍ତି କରାଯାଇଥିଲା । ସେଠାରେ ପଦ୍ମନ ·ଲାଣ ଙ୍କ ମୃତ୍ୟୁ ହୋଇଯାଇଥିଲା । ଖବର ପାଇବା ପରେ ମୃତ ଶ୍ରମିକଙ୍କ ପରିବାରରେ ଶୋକାକୂଳ ପରିବେଶ ସୃଷ୍ଟି ହୋଇଥିଲା । ଅନ୍ୟପଟେ ଘଟଣାକୁ ନେଇ କୋଟପାଡ଼ ପୋଲିସ ପହଂଚି ଶବକୁ ଜବତ କରିବା ସହ ତଦନ୍ତ ଜାରି ରଖିଛି ।
