ମୁମ୍ବାଇ– ଶନିବାର ବିଳମ୍ବିତ ରାତି ମୁମ୍ବାଇର ଅନେକ ସ୍ଥାନରେ ଗ୍ୟାସ ଲିକ ଖବର ପରେ ଲୋକ ମାନେ ଭୟଭୀତ ହୋଇଯାଇଛନ୍ତି । ସହରର ଅଗ୍ନିଶମ ବିଭାଗ ରାତି ପ୍ରାୟ ୧୧ଟାରେ ମୁମ୍ବାଇର ବିଭିନ୍ନ ସ୍ଥାନରେ ଗ୍ୟାସ ନିର୍ଗତ ହେଉଥିବା ନେଇ ସୂଚନା ପାଇଥିଲା । ମୁମ୍ବାଇର ଯେଉଁ ଅଂଚଳରେ ଗ୍ୟାସ ନିର୍ଗତ ହେଉଥିବା ନେଇ ଖବର ମିଳିଥିଲା, ଏଥିରେ ଚେମ୍ବୁର, ଘାଟକୋପର, ଭିକ୍ରୋଲି ଓ ପୱଇ ସାମିଲ ଅଛି । ସୂଚନା ମିଳିବା ପରେ ଦମକଳ ବାହିନୀର ୧୩ଟି ଗାଡ଼ି ଶୀଘ୍ର ପହଂଚିଥିଲା । ଅଳ୍ପ ସମୟ ମଧ୍ୟରେ ଏହା ନିୟନ୍ତ୍ରଣକୁ ଆସିଥିଲା । କିନ୍ତୁ ଗ୍ୟାସ ଲିକର କାରଣ ସ୍ପଷ୍ଟ ହୋଇ ନଥିଲା ।
ଦମକଳ ବିଭାଗର ଅଧିକାରୀମାନେ ଗଣମାଧ୍ୟମକୁ କହିଛନ୍ତି ଯେ, ଆମକୁ ସାଧାରଣ ଲୋକଙ୍କ ତରଫରୁ ଗ୍ୟାସ ଲିକ ନେଇ ସୂଚନା ମିଳିଥିଲା । ଭିକ୍ରୋଲି, ଚେମ୍ବୁର ଓ ପୱଇ ବ୍ୟାତୀତ ଘାଟକୋପରର ପନ୍ତନଗର ଅଂଚଳରେ ଗ୍ୟାସ ଲିକ ହେବା ନେଇ ଅଭିଯୋଗ ଆସିଥିଲା । ଟିମ ଘଟଣାସ୍ଥଳରେ ପହଞ୍ଚି ତଦନ୍ତ କରୁଛି ।
ଅନ୍ୟପକ୍ଷରେ ବିଏମସିର ଅଧିକାରୀ ଲଗାତାର ମୁବ୍ୱାଇବାସୀଙ୍କୁ ଅପିଲ କରିଛି ଯେ, ଲୋକଙ୍କୁ ଭୟଭୀତ ହେବାର କାରଣ ନାହିଁ । ପରିସ୍ଥିତି ଉପରେ ବିଏମସି ନଜର ରଖିଛି । ଯଦି ଲୋକଙ୍କୁ ଶ୍ୱାସକ୍ରିୟାରେ ଅସୁବିଧା ହେଉଛି, ତା’ହେଲେ ଓଦା କପଡ଼ା ମୁହଁରେ ବାନ୍ଧନ୍ତୁ ।
