ନୂଆଦିଲ୍ଲୀ– ସମଗ୍ର ବିଶ୍ୱରେ କରୋନାରେ ରବିବାର ସକାଳ ସାଢ଼େ ୬ଟା ସୁଦ୍ଧା ଏହି ମାରାତ୍ମକ ଭାଇରସରେ ୪ ଲକ୍ଷ ୧ ହଜାର ୯୬୪ ଜଣଙ୍କର ମୃତ୍ୟୁ ହୋଇସାରିଛି । ଏବେ ସୁଦ୍ଧା ବିଶ୍ୱରେ ୬୯ ଲକ୍ଷ ୭୦ ହଜାର ୬୩୦ ଜଣ ଆକ୍ରାନ୍ତ ହୋଇଥିବା ବେଳେ ଏଥିରୁ ୩୪ ଲକ୍ଷ ୧୦ ହଜାର ୯୯୪ ଜଣ ସୁସ୍ଥ ହୋଇଛନ୍ତି । କିନ୍ତୁ ଆହୁରି ୩୧ ଲକ୍ଷ ୫୭ ହଜାର ୬୭୨ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ଏଥିରୁ ୫୩ ହଜାର ୫୮୭ ଜଣଙ୍କର ଅବସ୍ଥା ଗୁରୁତର ଅଛି ।
ଯୁକ୍ତରାଷ୍ଟ୍ର ଆମେରିକାରେ ୧୯ ଲକ୍ଷ ୮୮ ହଜାର ୫୪୪ ଜଣ ସଂକ୍ରମିତ ହୋଇଛନ୍ତି । ଏଥିରୁ ୧ ଲକ୍ଷ ୧୨ ହଜାର ୯୫୭ ଜଣଙ୍କର ମୃତ୍ୟୁ ହୋଇଛି । ମୋଟ ୭ ଲକ୍ଷ ୫୧ ହଜାର ୮୯୪ ଜଣ ସୁସ୍ଥ ହୋଇଥିବା ବେଳେ ୧୧ ଲକ୍ଷ ୨୪ ହଜାର ୫୫୪ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ଏଥିରୁ ୧୭ ହଜାର ୨୧ ଜଣ ଗୁରୁତର ଅଛନ୍ତି । ବ୍ରାଜିଲ ଓ ଋଷିଆରେ ମଧ୍ୟ କରୋନା ଭାଇରସ କାୟା ମେଳାଇଛି ।
