ବାଲିସାହି ଓ ବାଘୁଆ ପଲ୍ଲୀ ନକଲି ଗୁଟଖା କାରଖାନା ଉପରେ ଚଢ଼ଉ : ୨୫୦୦ ରୁ ଉର୍ଦ୍ଧ୍ୱ ଖଇନି ପ୍ୟାକେଟ୍ ଜବତ : ଦୁଇ ଗିରଫ 

ଗଞ୍ଜାମ– ଗାଙ୍ଗପୁର ଥାନା ଅଂଚଳର ବାଲିସାହି ଓ ବାଘୁଆ ପଲ୍ଲୀ ଠାରେ ଥିବା ଦୁଇଟି ନକଲି ଗୁଟଖା କାରଖାନା ଉପରେ ଚଢ଼ଉ କରି ପୋଲିସ ବିପୁଳ ପରିମାଣର ଖଇନି ଓ ଖଇନି ପ୍ରସ୍ତୁତ ନିମନ୍ତେ ବ୍ୟବହୃତ ସାମଗ୍ରୀ ଧୂଆଁପତ୍ର, ଚୂନ ଆଦି ଜବତ କରିଛି । ଭଞ୍ଜନଗର ଏସଡ଼ିପିଓ ଶଭ୍ରାଶୁଂଶେଖର ମିଶ୍ର ଓ ଥାନା ଅଧିକାରୀ ଧିରେଶ କୁମାର ଦାସ ସଦଳବଳେ କାରଖାନା ଉପରେ ଚଢ଼ଉ କରି ୨୫୦୦ ରୁ ଉର୍ଦ୍ଧ୍ୱ ଖଇନି ପ୍ୟାକେଟ୍ ଜବତ କରିଛନ୍ତି । ଏ ସଂକ୍ରାନ୍ତରେ ଗାଙ୍ଗପୁର ଥାନାରେ ପୃଥକ୍ ପୃଥକ୍ ମାମଲା ରୁଜ୍ଜୁ ହୋଇଛି । ଘଟଣାରେ ପୋଲିସ ଦୁଇ ଜଣଙ୍କୁ ଗିରଫ କରିଛି ।