ବ୍ରହ୍ମପୁର: ପିସିସି ସଭାପତି ନିରଞ୍ଜନ ପଟ୍ଟନାୟକଙ୍କ ନୀତି ଓ ଆଦର୍ଶରେ ଅନୁପ୍ରାଣିତ ହୋଇ ଶୁକ୍ରବାର ଗଞ୍ଜାମ ଜିଲ୍ଲା ମହିଳା କଂଗ୍ରେସର ସଭାନେତ୍ରୀ ସ୍ୱରୁପା ତ୍ରିପାଠୀ ଜାତୀୟ ରାଜପଥ କନିଷି ଠାରେ ପ୍ରବାସୀ ଭାଇ ଓ ଭଉଣୀମାନଙ୍କୁ ଭେଜ ବିରିୟାନୀ, ଅଣ୍ଡା, ପାନୀୟ ଜଳ ସହ ମହିଳା ପ୍ରବାସୀ ମାନଙ୍କୁ ପିନ୍ଧିବା ବସ୍ତ୍ର ବଣ୍ଟନ କରିଥିଲେ । ଏହି ସମୟରେ ହିଞ୍ଜିଳି ବିଧାୟକ ପ୍ରାର୍ଥୀ ଶମ୍ଭୁ ପାଣିଗ୍ରାହୀ, କବିସୂର୍ଯ୍ୟନଗର ବିଧାୟକ ପ୍ରାର୍ଥୀ ବିଜୟ କୁମାର ସାହୁ, ଛାତ୍ର କଂଗ୍ରେସ ସଭାପତି ବିଜୟରାଜ ପାଣିଗ୍ରାହୀ, କୁନା ବିଷୋୟୀ, ପ୍ରଭାତ ଚନ୍ଦ୍ର ସାମନ୍ତରାୟ, କଂଗ୍ରେସ ନେତ୍ରୀ କେ.ଗୀତା ରାଓ ଓ ଅନେକ କଂଗ୍ରେସ କର୍ମୀ ଉପସ୍ଥିତ ଥିଲେ ।
