ନୂଆଦିଲ୍ଲୀ- କରୋନା କାରଣରୁ ଶୁକ୍ରବାର ସକାଳ ସାଢ଼େ ୬ଟା ମଧ୍ୟରେ ସମଗ୍ର ବିଶ୍ୱରେ କରୋନା ଭାଇରସ ଯୋଗୁଁ ୩ ଲକ୍ଷ ୯୨ ହଜାର ୨୮୬ ଜଣଙ୍କର ମୃତ୍ୟୁ ହୋଇଛି । ସେହିପରି ୬୬ ଲକ୍ଷ ୯୨ ହଜାର ୬୮୬ ଜଣ ସଂକ୍ରମିତ ହୋଇଛନ୍ତି । ଏଥିରୁ ୩୨ ଲକ୍ଷ ୪୨ ହଜାର ୧୧୧ ଜଣ ସୁସ୍ଥ ହୋଇଥିବା ବେଳେ ଆହୁରି ୩୦ ଲକ୍ଷ ୫୮ ହଜାର ୨୮୯ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ଏବେ ବିଶ୍ୱରେ ୫୫ ହଜାର ୪୬୧ ଜଣ ଗୁରୁତର ଅଛନ୍ତି । ଯୁକ୍ତରାଷ୍ଟ୍ର ଆମେରିକାରେ କରୋନା ଭାଇରସ ମୃତ୍ୟୁ ସଂଖ୍ୟା ୧ ଲକ୍ଷ ୧୦ ହଜାର ୧୭୩କୁ ପହଞ୍ଚିଛି । ମୋଟ ୧୯ ଲକ୍ଷ ୨୪ ହଜାର ୫୧ ଜଣ ଆକ୍ରାନ୍ତ ହୋଇଥିବା ବେଳେ ୭ ଲକ୍ଷ ୧୨ ହଜାର ୨୫୨ ଜଣ ସୁସ୍ଥ ହୋଇଛନ୍ତି । କିନ୍ତୁ ୧୧ ଲକ୍ଷ ୧ ହଜାର ୬୨୬ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ତେବେ ୧୭ ହଜାର ୮୩ ଜଣଙ୍କର ଅବସ୍ଥା ଗୁରୁତର ରହିଛି ।
