ନୂଆଦିଲ୍ଲୀ– କରୋନାରେ ବର୍ତମାନ ସୁଦ୍ଧା ବିଶ୍ୱରେ ୬୩ ଲକ୍ଷ ୬୨ ହଜାର ୧୪୮ ଜଣ ଆକ୍ରାନ୍ତ ହୋଇଛନ୍ତି । ଏହି ମାରାତ୍ମକ ଭୂତାଣୁ ଯୋଗୁଁ ମଙ୍ଗଳବାର ସକାଳ ସାଢ଼େ ୬ଟା ପର୍ଯ୍ୟନ୍ତ ୩ ଲକ୍ଷ ୭୭ ହଜାର ୧୫୨ ଜଣଙ୍କର ମୃତ୍ୟୁ ହୋଇଛି । ବିଶ୍ୱବ୍ୟାପୀ ୨୯ ଲକ୍ଷ ୧୪୯ ଜଣ ସୁସ୍ଥ ହୋଇଥିବା ବେଳେ ଆହୁରି ୩୦ ଲକ୍ଷ ୮୪ ହଜାର ୮୪୭ ଜଣ ଅସୁସ୍ଥ ଅଛନ୍ତି । ଏମାନଙ୍କ ମଧ୍ୟରୁ ୫୩ ହଜାର ୪୦୭ ହେଉଛନ୍ତି ଗୁରୁତର ରୋଗୀ ।
ଯୁକ୍ତରାଷ୍ଟ୍ର ଆମେରିକାରେ କରୋନା ଆକ୍ରାନ୍ତଙ୍କ ସଂଖ୍ୟା ୧୮ ଲକ୍ଷ ୫୯ ହଜାର ୩୨୩ରେ ପହଞ୍ଚିଛି । ମୋଟ ୧ ଲକ୍ଷ ୬ ହଜାର ୯୨୫ ଜଣଙ୍କର ମୃତ୍ୟୁ ହୋଇଛି । ରୋଗରୁ ୬ ଲକ୍ଷ ୧୫ ହଜାର ୪୧୬ ଜଣ ସୁସ୍ଥ ହୋଇଥିବା ବେଳେ ଆକ୍ରାନ୍ତଙ୍କ ସଂଖ୍ୟା ହେଉଛି ୧୧ ଲକ୍ଷ ୩୬ ହଜାର ୯୮୨ । ଏଥିରୁ ୧୬ ହଜାର ୯୪୯ ଜଣ ଗୁରୁତର ଅଛନ୍ତି ।
