ନୂଆଦିଲ୍ଲୀ– ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ପୂର୍ବାହ୍ନ ୧୧ଟାରେ ରେଡିଓ କାର୍ଯ୍ୟକ୍ରମ ‘ମନ୍ କୀ ବାତ୍’ ଜରିଆରେ ଦେଶବାସୀଙ୍କୁ ସମ୍ବୋଧନ କରିବେ । କାର୍ଯ୍ୟକ୍ରମର ଏହା ହେଉଛି ୬୪ତମ ସଂସ୍କରଣ । ପ୍ରଧାନମନ୍ତ୍ରୀ ମୋଦୀ ଗତ ସୋମବାର ଏହି କାର୍ଯ୍ୟକ୍ରମ ପାଇଁ ଜନତାଙ୍କୁ ପରାମର୍ଶ ମାଗିଥିଲେ ।
ଯାହା ଆଶା କରାଯାଉଛି, ପ୍ରଧାନମନ୍ତ୍ରୀ ମୋଦୀ ମନ୍ କୀ ବାତ କାର୍ଯ୍ୟକ୍ରମ ଜରିଆରେ ଜୁନ ୧ରୁ ଆରମ୍ଭ ହେବାକୁ ଥିବା ଅନଲକ-୧ ସଂପର୍କରେ ଆଲୋଚନା କରିପାରନ୍ତି । କରୋନା ଭାଇରସ ମହାମାରୀ କାରଣରୁ ଏବେ ଦେଶରେ ୪ଟି ପର୍ଯ୍ୟାୟରେ ଲକଡାଉନ ଲାଗିଛି । ସେ ଲକଡାଉନ ସମୟରେ ତୃତୀୟ ଥର ପାଇଁ ଜନତାଙ୍କୁ ଏହି କାର୍ଯ୍ୟକ୍ରମ ମାଧ୍ୟମରେ ସମ୍ବୋଧନ କରିବାକୁ ଯାଉଛନ୍ତି । ପ୍ରଧାନମନ୍ତ୍ରୀ ଏହା ପୂର୍ବରୁ ଗତ ମାର୍ଚ୍ଚ ୨୯ ଓ ଏପ୍ରିଲ ୨୬ରେ ମନ୍ କୀ ବାତ କରିଥିଲେ ।
