ଭୁବନେଶ୍ୱର– ରାଜ୍ୟରେ ଆଜି ଚିହ୍ନଟ ହୋଇଥିବା ନୂଆ ୬୭ଜଣ କରୋନା ଆକ୍ରାନ୍ତଙ୍କ ସଂପର୍କରେ ତଥ୍ୟ ପ୍ରଦାନ କରିଛନ୍ତି ରାଜ୍ୟ ସରକାର । ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ଦିଆ ଯାଇଥିବା ସୂଚନା ଅନୁସାରେ ୬୭ଜଣ କରୋନା ଆକ୍ରାନ୍ତଙ୍କ ଭିତରୁ୨୮ଜଣ ଗୁଜୁରାଟ ଫେରନ୍ତା ବୋଲି ଜଣାଯାଇଛି ।
ଏମାନଙ୍କ ଭିତରୁ ଗଞ୍ଜାମ ଜିଲ୍ଲାର ୧୬, ନୟାଗଡ଼ ଜିଲ୍ଲାର ୭ଜଣ, ଖୋର୍ଦ୍ଧା ଜିଲ୍ଲାର ୩ଜଣ ଓ ଯାଜପୁର ଜିଲ୍ଲାର ୨ଜଣ ଗୁଜୁରାଟ ଫେରନ୍ତା ଅଛନ୍ତି ।
ଅପରପକ୍ଷରେ ନୟାଗଡ଼ ଜିଲ୍ଲାର ୭ଜଣ ଯାକ ଗୁଜୁରାଟ ଫେରନ୍ତା ଅଛନ୍ତି । ବଲାଙ୍ଗୀରରୁ ଚିହ୍ନଟ ୨ଜଣ ମହାରାଷ୍ଟ୍ରରୁ ଫେରିଛନ୍ତି ।ସମ୍ବଲପୁରରୁ ଚିହ୍ନଟ ୨ଜଣଙ୍କ ଭିତରୁ ଜଣେ ଉତ୍ତର ପ୍ରଦେଶରୁ ଫେରିଥିବା ବେଳେ ଆରଜଣକ ଆନ୍ଧ୍ର ପ୍ରଦେଶ ଫେରନ୍ତା । ଠିକ୍ ସେହିପରି ସୁବର୍ଣ୍ଣପୁର ଜିଲ୍ଲାରୁ ଚିହ୍ନଟ ୪ଜଣଙ୍କ ଭିତରୁ ୨ଜଣ ତାମିଲନାଡ଼ୁରୁ ଫେରିଥିବା ବେଳେ ୨ଜଣ ମହାରାଷ୍ଟ୍ର ଫେରନ୍ତା ଅଛନ୍ତି । ବରଗଡ଼ର ଆକ୍ରାନ୍ତଜଣକ ମହାରାଷ୍ଟ୍ର ଫେରନ୍ତା ବୋଲି ଜଣାଯାଇଛି ।
