ବ୍ରହ୍ମପୁର: ଗଞ୍ଜାମ ପୋଲିସ ଜିଲ୍ଲାର ପୋଲସରା ଥାନାରେ କାର୍ଯ୍ୟରତ ୨ଜଣ ହୋମଗାର୍ଡଙ୍କ ଦେହରେ କରୋନା ପଜେଟିଭ ବାହାରିଛି । ଜିଲ୍ଲା ପୋଲିସ ମୁଖ୍ୟାଳୟରୁ ମିଳିଥିବା ସୂଚନା ପ୍ରକାରେ ଉପରକ୍ତ ୨ ହୋମଗାର୍ଡ ଜଗନ୍ନାଥପୁର ରେଳ ଷ୍ଟେଶନ୍ରେ ଟ୍ରେନ୍ରେ ପ୍ରବାସୀ ଓଡ଼ିଆମାନେ ଆସିବାପରେ ସେମାନଙ୍କୁ ସଙ୍ଗରୋଧ କେନ୍ଦ୍ରକୁ ନେବା ଓ ସେମାନଙ୍କ ସ୍ୱାସ୍ଥ୍ୟ ଯାଞ୍ଚ ବେଳେ ସେଠାରେ କାର୍ଯ୍ୟରତ ଥିଲେ । ସେମାନଙ୍କ ସ୍ୱାସ୍ଥ୍ୟ ଯାଞ୍ଚ ବେଳେ କରୋନା ପଜେଟିଭ ବାହାରିଥିଲା । ୨ଜଣଙ୍କୁ ପାରଳା ମହାରାଜା ଇଞ୍ଜିନିୟରିଂ କଲେଜ ଟାଟା କୋଭିଡ ହସ୍ପିଟାଲରେ ଭର୍ତ୍ତି କରାଯାଇଥିବା ଜଣାପଡିଛି । ସେମାନେ କିପରି ଯଥାଶୀଘ୍ର ସୁସ୍ଥ ହୋଇ ଘରକୁ ଫେରିବେ ସେ ନେଇ ଜିଲ୍ଲା ପୋଲିସ ପକ୍ଷରୁ ପ୍ରାର୍ଥନା କରାଯାଉଛି ।
