ନୂଆଦିଲ୍ଲୀ– ଚୀନର ଉହାନ ସହରରୁ ବ୍ୟାପିଥିବା କରୋନା କାରଣରୁ ସମଗ୍ର ବିଶ୍ୱରେ ୩ ଲକ୍ଷ ୬୪ ହଜାର ୪୩୪ ଜଣଙ୍କର ମୃତ୍ୟୁ ହୋଇସାରିଛି । ବିଶ୍ୱରେ ମୋଟ ୫୪ ଲକ୍ଷ ୯୪ ହଜାର ୪୧୪ ଜଣ କରୋନା ସଂକ୍ରମିତ ହୋଇଛନ୍ତି । କିନ୍ତୁ ଏଥିରୁ ସୋମବାର ସକାଳ ସାଢ଼େ ୬ଟା ପର୍ଯ୍ୟନ୍ତ ୨୨ ଲକ୍ଷ ୯୯ ହଜାର ୩୪୫ ଜଣ ସୁସ୍ଥ ହୋଇସାରିଛନ୍ତି । ଏବେ ୨୮ ଲକ୍ଷ ୪୮ ହଜାର ୬୫୮ ଜଣ ସକ୍ରିୟ ଆକ୍ରାନ୍ତ ଥିବା ବେଳେ ୫୩ ହଜାର ୨୨୪ ଜଣ ଗୁରୁତର ଅଛନ୍ତି ।
କରୋନା ଭାଇରସ ଯୋଗୁଁ ସଂଯୁକ୍ତ ରାଷ୍ଟ୍ର ଆମେରିକାର ସ୍ଥିତି ଦୟନୀୟ ଅବସ୍ଥାରେ ପହଞ୍ଚିଛି । ଦେଶରେ ୧୬ ଲକ୍ଷ ୮୬ ହଜାର ୪୪୫ ଜଣ ସଂକ୍ରମିତ ହୋଇଥିବା ବେଳେ ମୃତକଙ୍କ ସଂଖ୍ୟା ୯୯ ହଜାର ୩୦୦ । କିନ୍ତୁ ୪ ଲକ୍ଷ ୪୫ ହଜାର ୭୦୨ ଜଣ ବ୍ୟକ୍ତି ସୁସ୍ଥ ହୋଇଥିବା ବେଳେ ଆହୁରି ୧୧ ଲକ୍ଷ ୩୫ ହଜାର ୪୪୩ ଜଣ ସକ୍ରିୟ ଆକ୍ରାନ୍ତ ଅଛନ୍ତି । ସଂଯୁକ୍ତ ରାଷ୍ଟ୍ର ଆମେରିକାରେ ୧୭ ହଜାର ୧୩୫ ଜଣଙ୍କର ଅବସ୍ଥା ସଂକଟାପନ୍ନ ରହିଛି ।
