ଇସ୍ରାଏଲ – ଇସ୍ରାଏଲରେ କରୋନା ସଂକ୍ରମିତଙ୍କ ସଂଖ୍ୟା ୧୬,୭୧୭ କୁ ବୃଦ୍ଧି ପାଇଛି ।
ସ୍ୱାସ୍ଥ୍ୟ ମନ୍ତ୍ରଣାଳୟ ରବିବାର ବିଳମ୍ବିତ ରାତିରେ କହିଛି ଯେ ବର୍ତମାନ ଇସ୍ରାଏଲରେ ୨୨୮୫ ସକ୍ରିୟ ମାମଲା ଥିବାବେଳେ ୪୪ ଜଣଙ୍କ ଅବସ୍ଥା ଗୁରୁତର ରହିଛି । ଏହା ସହିତ ଆରୋଗ୍ୟ ହୋଇଥିବା ଲୋକଙ୍କ ସଂଖ୍ୟା ୧୪, ୧୫୩ କୁ ବୃଦ୍ଧି ପାଇଛି ।
ରବିବାର ଦିନ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ କରୋନା ବିରୋଧରେ ଲଢେଇ ପାଇଁ କ୍ୟାବିନେଟ୍ ଗଠନ ବିଷୟରେ କହିଥିଲେ । ଶନିବାର ଦିନ ଦେଶର ସ୍ୱାସ୍ଥ୍ୟ ମନ୍ତ୍ରଣାଳୟ ୨୯ ଟି ନୂଆ ମାମଲା ପଞ୍ଜିକୃତ କରିଛି । ମୃତ୍ୟୁ ସଂଖ୍ୟା ୨୭୯ ରହିଛି । ବୁଧବାର ଦିନ ଇସ୍ରାଏଲରେ ସମୁଦ୍ର କୂଳ, ସଂଗ୍ରହାଳୟ ଏବଂ ପ୍ରାର୍ଥନା ସ୍ଥାନ ଖୋଲାଯାଇଥିଲା । ବିଦ୍ୟାଳୟଗୁଡ଼ିକୁ ମଧ୍ୟ ଖୋଲା ଯାଇଛି ।
ସାରା ବିଶ୍ୱରେ କରୋନା ସଂକ୍ରମିତଙ୍କ ସଂଖ୍ୟା ୫୪ ଲକ୍ଷରୁ ଅଧିକ ହୋଇଥିବା ବେଳେ ୩ ଲକ୍ଷ ୪୪ ହଜାରରୁ ଅଧିକ ଲୋକଙ୍କର ମୃତ୍ୟୁ ହୋଇଛି ।
