ଭୁବନେଶ୍ୱର– ଲକ୍ ଡାଉନ୍ ହେତୁ ରାଜଧାନୀରେ ବନ୍ଦ ରହିଥିବା କିଛି ପ୍ରମୁଖ ପାର୍କ ରବିବାର ଠାରୁ ଖୋଲିଛି । ପରୀକ୍ଷାମୂଳକ ଭାବେ ଏହି ପାର୍କ ଗୁଡ଼ିକୁ ବିଏମସି ପକ୍ଷରୁ ସର୍ବସାଧାରଣଙ୍କ ପାଇଁ ଖୋଲା ଯାଇଛି । ରବିବାର ଦିନ ପ୍ରମୁଖ ପାର୍କ ଆଇଜି, ଫରେଷ୍ଟ ଓ ବୁଦ୍ଧ ପାର୍କ ଖୋଲା ରହିଥିଲା ।
ତେବେ ପାର୍କ ଖୋଲା ଯାଇଥିଲେ ମଧ୍ୟ କିଛି କଟକଣା ଜାରି କରାଯାଇଛି । ପାର୍କ କେବଳ ସକାଳ ୭ରୁ ଦିନ ୧୦ ଯାଏଁ ଏବଂ ଅପରାହ୍ନ ୪ଟାରୁ ସନ୍ଧ୍ୟା ୬ଟା ଯାଏ ଖୋଲା ରହିବ । ପାର୍କକୁ ଯାଉଥିବା ଲୋକମାନେ ସାମାଜିକ ଦୂରତ୍ୱ ମାନିବା ସହ ମାସ୍କ ପିନ୍ଧିବା ବାଧ୍ୟତାମୂଳକ । ପାର୍କରେ ଛେପ ପକାଇବା, ବ୍ୟାୟାମ ଉପକରଣ ବ୍ୟବହାର କରିବା ଉପରେ ସମ୍ପୂର୍ଣ୍ଣ ବାରଣ କରାଯାଇଥିବା ବିଡିଏ କର୍ତୃପକ୍ଷ କହିଛନ୍ତି ।
