ଭୁବନେଶ୍ୱର– ଓଡିଶା ପ୍ରଦେଶ କଂଗ୍ରେସ ସଭାପତି ଶ୍ରୀ ନିରଞ୍ଜନ ପଟ୍ଟନାୟକ ଆଜି ପୂର୍ବାହ୍ନରେ ପ୍ରଦେଶ କଂଗ୍ରେସ କାର୍ଯ୍ୟାଳୟ ପରିସରରେ କରୋନା ଯୋଦ୍ଧା ଭାବେ ଯୁବ କଂଗ୍ରେସ ଭୁବନେଶ୍ୱର ମଧ୍ୟମ ସଭାପତି ଶ୍ରୀ ସଂକୁନା କଂହର,ଯୁବ କଂଗ୍ରେସ ନେତା ଅଭିଳାଷ ମାନିଆ, ରାଜ୍ୟ ମହିଳା କଂଗ୍ରେସ ସମ୍ପାଦିକା ମୁନି ଥାପା ଓ ପିସିସି ଗଣମାଧ୍ୟମ ସଂଯୋଜକ ଦୀପକ କୁମାର ମହାପାତ୍ରଙ୍କୁ ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ । ଦୀର୍ଘ ୨ ମାସରୁ ଉର୍ଦ୍ଧ ସମୟ ଧରି କରୋନା ସମୟରେ ଚାଲିଥିବା ଲକଡାଉନରେ ବହୁତ ଅସୁବିଧାର ସମ୍ମୁଖୀନ ହେଉଥିବା ଗରିବ ଲୋକଙ୍କୁ ଏମାନେ ସୁଖିଲା ଖାଦ୍ୟ ଓ ରନ୍ଧାଖାଦ୍ୟ ସହ ମାସ୍କ ଓ ସାନିଟାଇଜର ବଂଟନ କରି ଆସୁଛନ୍ତି । କରୋନା ଯୋଦ୍ଧାଙ୍କୁ ପିସିସି ସଭାପତି ଶ୍ରୀ ପଟ୍ଟନାୟକ ଏବଂ ବିଧାୟକ ସୁରେଶ କୁମାର ରାଉତରାୟ,ପିସିସି ଉପସଭାପତି ଶୁଭେନ୍ଦୁ ମହାନ୍ତି ସେମାନଙ୍କ ଏତାଦୃଶ କାର୍ଯ୍ୟପାଇଁ ଭୁୟସୀ ପ୍ରଶଂସା କରିଥିଲେ । ଏହି କାର୍ଯ୍ୟକର୍ମରେ ଅନ୍ୟମାନଙ୍କ ମଧ୍ୟରେ ମନୋରଞ୍ଜନ ଦାସ,ରଶ୍ମି ମହାପାତ୍ର,ପ୍ରକାଶ ମିଶ୍ର,ମନୋଜ ମହାପାତ୍ର,ନିରଞ୍ଜନ ନାୟକ,ଆଦିତ୍ୟ ପ୍ରୀତମ ଦାସ, ନରେଶ ମହାନ୍ତି,ରଞ୍ଜିତ ପାତ୍ର ପ୍ରମୁଖ ଉପସ୍ଥିତ ଥିଲେ ।
