ଭଦ୍ରକ – ଆଜି ଭଦ୍ରକ ଜିଲା ତିହିଡି ବ୍ଲକ୍ ନାନ୍ଦପୁର ପଂଚାୟତର ପାଲଟପୁର ଗାଁରେ ଘଟିଛି ଭୟାବହ ଅଗ୍ନିକାଣ୍ଡ । ଏହି ଅଗ୍ନିକାଣ୍ଡରେ ଜଳିଯାଇଛି ୫ ବଖରା ଘର । ଏବଂ ପୋଡି ପାଉଁଶ ହୋଇଯାଇଛି ଲକ୍ଷାଧିକ ଟଙ୍କାର ସଂପତି । ପ୍ରାପ୍ତ ଖବରରୁ ଯାହା ଜଣାଯାଏ ଏହି ଗ୍ରାମର ସନାତନ ମାଝୀଙ୍କର ତିନି ବଖରା ଘର ଓ ଦେବେନ୍ଦ୍ର ମାଝୀଙ୍କର ଦୁଇ ବଖରା ଘର ଏହି ଅଗ୍ନିକାଣ୍ଡରେ ଜଳିଯାଇଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଥିଲେ ବି ଖବର ପାଇ ଧାମନଗର ଦମକଳ ବାହିନୀ ଘଟଣାସ୍ଥଳରେ ପହଂଚି ନିଆଁକୁ ଆୟତ୍ତ କରିଥିଲା । କିନ୍ତୁ ତାହା ଲିଭିଲା ବେଳକୁ ଦୁଇଟି ପରିବାରର ୫ ବଖରା ଘର ସଂପୂର୍ଣ୍ଣ ଜଳିପୋଡି ପାଉଁଶ ହୋଇଯାଇଥିଲା । ତେବେ ଏହି ଅଗ୍ନି ବିପନ୍ନ ପରିବାରକୁ ତୁରନ୍ତ ସରକାରୀ ସହାୟତା ପ୍ରଦାନ କରିବାକୁ ଦାବି କରିଛନ୍ତି ଗ୍ରାମବାସୀମାନେ ।
