ନୂଆଦିଲ୍ଲୀ– ମହାରାଷ୍ଟ୍ରରେ ଗତ 24 ଘଣ୍ଟା ମଧ୍ୟରେ ମହାରାଷ୍ଟ୍ରରେ 2 ହଜାର 127 ଟି ନୂଆ ମାମଲା ସାମ୍ନାକୁ ଆସିଛି, ଏହା ପରେ ରାଜ୍ୟରେ ରୋଗୀଙ୍କ ସଂଖ୍ୟା 37 ହଜାର 136 କୁ ବୃଦ୍ଧି ପାଇଛି। ଗତ 24 ଘଣ୍ଟା ମଧ୍ୟରେ ମହାରାଷ୍ଟ୍ରରେ 76 ଜଣଙ୍କର ମୃତ୍ୟୁ ହୋଇଛି। କରୋନା ଦ୍ୱାରା ସର୍ବାଧିକ ପ୍ରଭାବିତ ହୋଇଥିବା ମୁମ୍ବାଇରେ ଗତ 24 ଘଣ୍ଟା ମଧ୍ୟରେ 1411 ଟି ନୂଆ ମାମଲା ସାମ୍ନାକୁ ଆସିଛି, ଏହା ସହ ଗତ 24 ଘଣ୍ଟା ମଧ୍ୟରେ କେବଳ ମୁମ୍ୱାଇରେ 43 ଜଣଙ୍କର ମୃତ୍ୟୁ ହୋଇଛି।
ମହାରାଷ୍ଟ୍ରରେ ଏପର୍ଯ୍ୟନ୍ତ ଏହି ମହାମାରୀ ଯୋଗୁଁ ସମୁଦାୟ 1325 ଜଣଙ୍କର ମୃତ୍ୟୁ ହୋଇଛି। ସକ୍ରିୟ ମାମଲା ବିଷୟରେ କହିବାକୁ ଗଲେ, 26,164 ରୋଗୀ ବର୍ତ୍ତମାନ ଡାକ୍ତରଖାନାରେ ଚିକିତ୍ସିତ ହେଉଛନ୍ତି। ଏଥିସହ 9639 ଜଣ ଲୋକ ସୁସ୍ଥ ହେବା ପରେ ଡାକ୍ତରଖାନାରୁ ଡିସଚାର୍ଜ ହୋଇଛନ୍ତି। ମୁମ୍ବାଇରେ 22 ହଜାର 746 ଆକ୍ଟିଭ କରୋନା ମାମଲା ରହିଛି ବର୍ତ୍ତମାନ ଏବଂ ସମୁଦାୟ 800 ଲୋକ ପ୍ରାଣ ହରାଇଛନ୍ତି।
ସେହିଭଳି ମହାରାଷ୍ଟ୍ର ପୋଲିସ ବିଭାଗରେ ମଧ୍ୟ ସଂକ୍ରମଣର ଗତି ଦିନକୁ ଦିନ ବୃଦ୍ଧି ପାଉଛି। ବର୍ତ୍ତମାନ ସୁଦ୍ଧା ମହାରାଷ୍ଟ୍ରରେ 55 ଜଣ ପୋଲିସ୍ କର୍ମଚାରୀ କରୋନା ପଜିଟିଭ୍ ଥିବା ସୂଚନା ମିଳିଛି । ବର୍ତ୍ତମାନ ପର୍ଯ୍ୟନ୍ତ, 1328 ପୋଲିସ୍ କର୍ମଚାରୀ କରୋନା ଦ୍ୱାରା ସଂକ୍ରମିତ ହୋଇଥିବା ନିଶ୍ଚିତ ହୋଇଛି । ଏଥିରେ ଅଧ ଡଜନରୁ ଅଧିକ ପୋଲିସ କର୍ମଚାରୀଙ୍କର ମୃତ୍ୟୁ ହୋଇସାରିଲାଣି । ଏହାପୂର୍ବରୁ ସୋମବାର ଦିନ ମହାରାଷ୍ଟ୍ରରେ 2033 ଟି କରୋନା ରୋଗୀ ଚିହ୍ନଟ ହୋଇଥିବାବେଳେ 51 ଜଣଙ୍କର ମୃତ୍ୟୁ ଘଟିଥିଲା ।
ସୂଚନାଯୋଗ୍ୟ ଯେ, ଦେଶରେ କରୋନା ରୋଗୀଙ୍କ ସଂଖ୍ୟା ବର୍ତ୍ତମାନ 1 ଲକ୍ଷ ଅତିକ୍ରମ କରିଛି। ଏହି ମାରାତ୍ମକ ରୋଗ ହେତୁ 3 ହଜାରରୁ ଅଧିକ ଲୋକ ପ୍ରାଣ ହରାଇଛନ୍ତି। ତେବେ ଆମ ପାଇଁ ଏକ ଆଶ୍ୱାସନାର ଖବର ଯେ ବର୍ତ୍ତମାନ ପର୍ଯ୍ୟନ୍ତ 39 ହଜାରରୁ ଅଧିକ ଲୋକ ସୁସ୍ଥ ହୋଇସାରିଛନ୍ତି। ଏଥି ସହିତ, ଯଦି ଆମେ ସମଗ୍ର ବିଶ୍ୱ ବିଷୟରେ କଥା ହେବା, ତେବେ ଏପର୍ଯ୍ୟନ୍ତ 48 ଲକ୍ଷରୁ ଅଧିକ କରୋନା ମାମଲା ରିପୋର୍ଟ ହୋଇଥିବାବେଳେ 3 ଲକ୍ଷରୁ ଅଧିକ ଲୋକଙ୍କର ମୃତ୍ୟୁ ଘଟିଛି।
