କୋରେଇ – କୋରାଇ ବ୍ଲକ ଅନ୍ତର୍ଗତ ଗୋଳେଇପୁର ପଂଚାୟତର ମସୁଦପୁର ରାଜସ୍ୱ ଗ୍ରାମର ସାହାପୁର ହାଟ ଠାରେ ପଂଚାୟତ ପକ୍ଷରୁ ୫ ବଖରା ମାକେଁଟ କମ୍ପେ୍ଲକ୍ସ ନିମାଣାଧିନ ଅଛି । ଏହି ମାର୍କେଟ କମ୍ପେ୍ଲକ୍ସ ନିର୍ମାଣ ବ୍ୟାପକ ଅନିୟମିତତାର ଅଭିଯୋଗ ଆଣିଛନ୍ତି ସମିତିସଭ୍ୟା ଭାନୁପ୍ରଭା କରଣଙ୍କ ସମେତ ୱାର୍ଡ ସଭ୍ୟ/ସଭ୍ୟା । ଏନେଇ ଆଜି କୋରାଇ ବିଡିଓଙ୍କୁ ଲିଖିତ ଅଭିଯୋଗ କରାଯାଇଛି । ଉକ୍ତ ମାର୍କେଟ କମ୍ପେ୍ଲକ୍ସକୁ ଲାଗି ଜଣେ ବ୍ୟକ୍ତି ତାଙ୍କ ବ୍ୟକ୍ତିଗତ ଜାଗାରେ ଘର କରୁଥବା ବେଳେ ତାହା ମାର୍କେଟ କମ୍ପେ୍ଲକକୁ ସଂଯୋଗ କରିଛି । କମ୍ପେ୍ଲକ୍ସ ନିର୍ମାଣ କରାଯାଉଥିବା ବେଳେ ଉକ୍ତ କାନ୍ଥ ସହ ସଂଯୋଗ କରାଯାଇଛି । ଯାହା ମାର୍କେଟ କମ୍ପେ୍ଲକ୍ସର ନିଜସ୍ୱ କାନ୍ଥ ନଥିବା ବେଳେ ସେହି ଘରସହ ଗୋଟିଏ ବିମରେ ନିର୍ମାଣ ଚାଲିଛି । ଏହି ଅନିୟମିତତା ସହ ପଂଚାୟତରେ କୌଣସି ରେଜୁଲେସନ ମଧ୍ୟ କରାନଯାଇ ସରପଂଚ ମନମୁଖିଭାବେ ନିର୍ମାଣ କରୁଥିବାର ଅଭିଯୋଗ ହୋଇଛି । ତୁରନ୍ତ ଏହାର ତଦନ୍ତ କରାଯାଇ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଦାବି ହୋଇଛି ।
