ରାଜ୍ୟରେ ଆଉ ୧୦୨ କରୋନା ଆକ୍ରାନ୍ତ ଚିହ୍ନଟ

ରାଜ୍ୟରେ ମୋଟ ପରୀକ୍ଷଣ ସଂଖ୍ୟା ୧ ଲକ୍ଷ ନମୁନାର ପରୀକ୍ଷଣ ହେଲା, ଗତ ୨୪ ଘଂଟାରେ  ରାଜ୍ୟରେ ହେଲା ୪୫୩୬   ନମୁନାର ପରୀକ୍ଷଣ
ରାଜ୍ୟରେ ବର୍ତମାନ ଯାଏ ମୋଟ ପରୀକ୍ଷଣ ସଂଖ୍ୟା ଏକ ଲକ୍ଷରୁ ଉର୍ଧ ହୋଇ ସାରିଲାଣି । ରାଜ୍ୟରେ  ଗତ ୨୪ ଘଂଟାରେ  କରୋନା ପାଇଁ  ମୋଟ  ୪୫୩୬  ନମୂନାର ପରୀକ୍ଷଣ କରା ଯାଇଛି । ଏହା ଫଳରେ  ରାଜ୍ୟରେ   ବର୍ତମାନ ଯାଏ ୧୦୦୩୦୨  ନମୁନାର ପରୀକ୍ଷା କରା ଯାଇ ସରିଛି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଏହି ସୂଚନା ଦିଆ  ଯାଇଛି ।
ବିଭାଗ ପକ୍ଷରୁ କୁହା ଯାଇଛି ଯେ ବର୍ତମାନ ସୁଦ୍ଧା ରାଜ୍ୟରେ ୯୭୮  ଟି ମାମଲା ସାମନାକୁ ଆସିଛି । ଏଥି ମଧ୍ୟରୁ ପାଂଚ   ଜଣଙ୍କର ମୃତ୍ୟୁ ଘଟିଥିବା ବେଳେ ୨୭୭  ଜଣ ସୁସ୍ଥ ହୋଇ ସାରିଛନ୍ତି । ରାଜ୍ୟରେ ମୋଟ ୬୯୬  ଟି ସକ୍ରିୟ ମାମଲା ରହିଛି ।

ରାଜ୍ୟରେ କରୋନାରେ ଆଉ ଜଣଙ୍କର ମୃତ୍ୟୁ
ରାଜ୍ୟରେ କରୋନାରେ ଆଉ ଜଣଙ୍କର ମୃତ୍ୟୁ ଘଟିଛି । ଏହା ସହ ରାଜ୍ୟରେ କରୋନା କାରଣରୁ ମୃତ୍ୟୁ ସଂଖ୍ୟା ୫କୁ  ବୃଦ୍ଧି ପାଇଛି । ରାଜ୍ୟ ସ୍ୱାସ୍ଥ୍ୟ ଓ ପରିବାର କଲ୍ୟାଣ  ବିଭାଗ ପକ୍ଷରୁ ଏହି ସୂଚନା ଦିଆ ଯାଇଛି ।
ବିଭାଗ ପକ୍ଷରୁ କୁହା ଯାଇଛି ଯେ ମୃତକ ଜଣଙ୍କ ହେଉଛନ୍ତି କଟକ ଜିଲ୍ଲାର ଓ ତାଙ୍କର ବୟସ ୭୫ ବର୍ଷ । ତାଙ୍କୁ ୧୭ ତାରିଖ ଦିନ ରାତିରେ ଏମ୍ସରେ ଭର୍ତି କରା ଯାଇଥିଲା ୍ୟ ସେ ଫୁସଫୁସଜନିତ ରୋଗରେ ଆକ୍ରାନ୍ତ ଥିଲେ । ନମୁନା ପରୀକ୍ଷା ପରେ ସେ କରୋନାରେ ସଂକ୍ରମିତ ଥିବା ନେଇ ସୂଚନା ମିଳିଥିଲା । ଏହା ପୂର୍ବରୁ ଖୋର୍ଧା ଓ ଗଂଜାମ ଜିଲ୍ଲାରେ ୨-୨ ଜଣଙ୍କର ମୃତ୍ୟୁ ଘଟି ସାରିଛିା