ଧର୍ମଶାଳା – ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ କୁଆଖିଆ ବଜାର ଅଂଚଳରେ ଜନୈକ ନାବାଳକକୁ ଆଜି କୁଆଖିଆ ପୋଲିସ ପକ୍ଷରୁ ଉଦ୍ଧାର କରାଯାଇଛି । ଉକ୍ତ ନାବଳକ ଜଣକ ଘର ତିଆରୀ ଭଳି ଏକ କଠିନ କାର୍ଯ୍ୟରେ ନିୟୋଜିତ ହୋଇଥିବା ଅବସ୍ଥାରେ ପୋଲିସ ଉଦ୍ଧାର କରିଛି । ଏ ସଂପର୍କରେ ସାମାଜିକ କର୍ମୀ ମଂଟୁ ଦାସଙ୍କ ଅଭିଯୋଗକ୍ରମେ କୁଆଖିଆ ଥାନା ପକ୍ଷରୁ ମହିଳା ଓ ଶିଶୁ ଅଧିକାରୀ ଏସ.ଆଇ. ଅନିତା ପ୍ରଧାନ ଘଟଣା ସ୍ଥଳରୁ ପିଲାକୁ ଉଦ୍ଧାର କରାଯାଇଥିଲା । ଉଦ୍ଧାର ପିଲାଟି ପଡୋଶୀ ପଂଶ୍ଚିମ ବଂଗଳା ରାଜ୍ୟର ଓ ବଙ୍ଗଳା ଭାଷୀ ବୋଲି ଜଣାପଡିଛି । ଉକ୍ତ ପିଲାକୁ ପୋଲିସ ଶିଶୁ ମଙ୍ଗଳ କମିଟିକୁ ହସ୍ତାନ୍ତର କରିଛି । କମିଟି ପକ୍ଷରୁ ପିଲାର ଠିକଣା ଓ ଅଭିଭାବକଙ୍କ ପରିଚୟ ସଂପର୍କରେ ଜାଣିବା ପାଇଁ ତଦନ୍ତ ଜାରି ରଖିଛି ।
