ବ୍ରହ୍ମପୁର : ଓଡ଼ିଶାର ଜଣାଶୁଣା ଭିଡିଓ ସାମ୍ବାଦିକ ସ୍ୱର୍ଗତ ସୁକାନ୍ତ ପାଣିଗ୍ରାହୀ ଓରଫ୍ ଲିଟୁଙ୍କ ବିୟୋଗରେ ସୋମବାର ସ୍ଥାନୀୟ ଗାନ୍ଧୀ ନଗରସ୍ଥିତ ଗାନ୍ଧୀ ପ୍ରତିମୂର୍ତ୍ତି ନିକଟରେ ବ୍ରହ୍ମପୁର ସହରରେ କାର୍ଯ୍ୟରତ ସମସ୍ତ ଗଣମାଧ୍ୟମର ବହୁ ସାମ୍ବାଦିକମାନେ ଉପସ୍ଥିତରହି ତାଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିବା ସହ କ୍ୟାଣ୍ଡଲ ଜାଳି ଶ୍ରଦ୍ଧାଞ୍ଜଳି ଜଣାଇଥିଲେ । ଏହାସହ ସୁକାନ୍ତଙ୍କ ପରିବାରକୁ ଆର୍ଥିକ ସହାୟତା କରିବା ଲାଗି ନିଷ୍ପତ୍ତି ନେଇଥିଲେ । ସୋମବାର ବ୍ରହ୍ମପୁରର ପୂର୍ବତନ କର୍ପୋରେଟର ଆର୍.ମୂରଲୀମୋହନ ୨୦ହଜାର, ୱେବ୍ ଚ୍ୟାନେଲ୍ ଓମ୍ କମ୍ର ଚିଫ୍ ମୁଖ୍ୟ ଜଜାତି କର ୧୦ହଜାର, ଭୁବନେଶ୍ୱରର ଜଣାଶୁଣା ବ୍ୟବସାୟୀ ଅମୀୟ ଦାସ ୧ଲକ୍ଷ ଟଙ୍କାର ଆର୍ଥିକ ସହାୟତା ପ୍ରଦାନ କରିଛନ୍ତି । ଏହାସହ ଆଗାମୀଦିନରେ ତାଙ୍କ ପରିବାରବର୍ଗକୁ ଆର୍ଥିକ ସହାୟତା ଯୋଗାଇ ଦେବାରେ ସହଯୋଗ କରିବାକୁ ନିଷ୍ପତ୍ତି ହୋଇଥିଲା । କାର୍ଯ୍ୟକ୍ରମରେ ସାମ୍ବାଦିକ ଶିଶିର ପାଣିଗ୍ରାହୀ, ପ୍ରକାଶ ପଟ୍ଟନାୟକ, ଜଗନମୋହନ ମହାପାତ୍ର, ଗୋପାଳ ପଟ୍ଟନାୟକ, ଚିରଞ୍ଜିତ ରାଜଗୁରୁ, ସୁଦୀପ ସାହୁ, ସୁରଜିତ ପଣ୍ଡା, ନାରାୟଣ ମହାଙ୍କୁଡ, ରବି ମହାରଣା, ଏସ୍.ନାଗେଶ୍ୱର ପୃଷ୍ଟି, ରାଧାଶ୍ୟାମ ଆଚାର୍ଯ୍ୟ, କୈଳାଶ ବେହେରା, ମାନସ ବିଷୋୟୀ, ଗୋପାଳ ରେଡ୍ଡୀ, ସୁବ୍ରମଣ୍ୟମ୍ ସ୍ୱାମୀ, ବିନୋଦ ପ୍ରଧାନ, ପ୍ରହଲ୍ଲାଦ ସାହୁଙ୍କ ସମେତ ସହରର ବହୁ ସାମ୍ବାଦିକ ଉପସ୍ଥିତରହି ସ୍ୱର୍ଗତ ସୁକାନ୍ତଙ୍କ ଅମର ଆତ୍ମାର ସଦ୍ଗତି ନିମନ୍ତେ କାମନା କରିଥିଲେ ।
