ବିଶିଷ୍ଟ ସ୍ୱାଧୀନତା ସଂଗ୍ରାମୀ ଭବାନୀ ଚରଣ ପଟ୍ଟନାୟକଙ୍କ ପରଲୋକ

ପ୍ରଖ୍ୟାତ ସ୍ୱାଧୀନତା ସଂଗ୍ରାମୀ, ପୂର୍ବତନ ସାଂସଦ ତଥା  ଆନ୍ତର୍ଜାତୀୟ କଳିଙ୍ଗ ଫାଉଣ୍ଡେସନର ଅଧ୍ୟକ୍ଷ ପଦ୍ମଶ୍ରୀ  ଭବାନୀଚରଣ ପଟ୍ଟନାୟକଙ୍କ ବିୟୋଗରେ ଭାରତୀୟ କମ୍ୟୁନିଷ୍ଟ ପାର୍ଟିର ଓଡ଼ିଶା ରାଜ୍ୟ ପରିଷଦ ଗଭୀର ଶୋକ ପ୍ରକାଶ କରୁଛି । ଉତ୍କଳମଣି ପଣ୍ଡିତ ଗୋପବନ୍ଧୁ ଦାସଙ୍କ ଆଦର୍ଶରେ ଅନୁପ୍ରାଣୀତ ହୋଇ ବାଲ୍ୟାବସ୍ଥାରୁ ସ୍ୱାଧୀନତା ସଂଗ୍ରାମରେ ଝାସ ଦେଇ ସେ ସ୍ୱାଧୀନତା ସଂଗ୍ରାମର ଆଗ୍ନେୟ ଇତିହାସ ତଥା ସ୍ୱାଧୀନତା ପରବର୍ତ୍ତୀ ଓଡ଼ିଶାର ବିଭିନ୍ନ କ୍ଷେତ୍ରରେ ନିଜର ଅଲିଭା ସ୍ୱାକ୍ଷର ରଖିଯାଇଛନ୍ତି । ତାଙ୍କ ବିୟୋଗରେ ଓଡ଼ିଶାବାସୀ ଜଣେ ନିଷ୍ଠାପର ଗାନ୍ଧିବାଦୀଙ୍କୁ ହରାଇବା ସଙ୍ଗେ ସଙ୍ଗେ ଉତ୍କଳ ଜନନୀ ତାର ଜଣେ ଶ୍ରେଷ୍ଠ ସନ୍ତାନଙ୍କୁ ହରାଇଲା ବୋଲି ସିପିଆଇ ରାଜ୍ୟ ସମ୍ପାଦକ ଆଶିଷ କାନୁନ୍‌ଗୋ ଏକ ଶୋକବାର୍ତ୍ତାରେ କହିଛନ୍ତି ।