ଭଦ୍ରକ – ଭଦ୍ରକ ଜିଲ୍ଲାରୁ ଆଜି ପୁଣି ୯ ଜଣ ନୂଆ କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଏଥିସହ ଜିଲ୍ଲାରେ ମୋଟ୍ ଆକ୍ରାନ୍ତଙ୍କ ସଂଖ୍ୟା ୪୦କୁ ବୃଦ୍ଧି ପାଇଛି । ନୂଆ ଚିହ୍ନଟ ହୋଇଥିବା ଆକ୍ରାନ୍ତ ମାନେ ସମସ୍ତେ ପୁରୁଷ । ଏମାନଙ୍କ ମଧ୍ୟରେ ୫ ଜଣ ସୁରାଟ ଫେରନ୍ତା ରହିଥିବା ବେଳେ ୩ ଜଣ ପଶ୍ଚିମବଙ୍ଗ ଓ ଜଣେ କର୍ଣ୍ଣାଟକ ଫେରନ୍ତା ରହିଥିବା ଜଣାପଡିଛି । ସମସ୍ତେ କ୍ୱାରେଂଟାଇନ କେନ୍ଦ୍ରର ବୋଲି ସୂଚନା ମିଳିଛି । ଅନ୍ୟପକ୍ଷରେ ସମସ୍ତ ଆକ୍ରାନ୍ତ ଭଦ୍ରକ ଜିଲ୍ଲାର ବାସୁଦେବପୁର, ବନ୍ତ, ଭଣ୍ଡାରୀପୋଖରୀ ଓ ଭଦ୍ରକ ବ୍ଲକର ଥିବା ବିଭିନ୍ନ କ୍ୱାରେଂଟାଇନ ସେଂଟରରେ ଥିବା ନେଇ ସ୍ପଷ୍ଟ କରିଛନ୍ତି ଜିଲ୍ଲାପାଳ ଜ୍ଞାନ ଦାସ ।
ଏଠାରେ ଉଲ୍ଲେଖଯୋଗ୍ୟ ଯେ, ପୂର୍ବରୁ ୩୧ ଜଣ ଚିହ୍ନଟ ହୋଇଥିବା ବେଳେ ଆଜି ୯ ଜଣ ଚିହ୍ନଟ ହୋଇଛନ୍ତି । ସ୍ଥିତିକୁ ଦୃଷ୍ଟିରେ ରଖି ଭଦ୍ରକ ଜିଲ୍ଲାକୁ ପୂର୍ବରୁ ରେଡ଼ଜୋନ୍ ଅନୁର୍ଭୁକ୍ତ କରାଯାଇଛି । ଜିଲ୍ଲା ପ୍ରଶାସନ ପକ୍ଷରୁ ଏଠାରେ ସଂନ୍ଧ୍ୟା ୭ଟାରୁ ସକାଳ ୭ଟା ୧୨ ଘଂଟା କର୍ଫ୍ୟୁ ବଳବତର ରହିଛି ।
