ଭଦ୍ରକ – ଭଦ୍ରକର ପ୍ରସିଦ୍ଧ ବଡ ସରକାର ବାବାଙ୍କ ପବିତ୍ର ଉର୍ସ ଉସôବ ଉପଲକ୍ଷେ ଭଦ୍ରକ ବିକାଶ ମଂଚ ପକ୍ଷରୁ ଆସନ୍ତା ୨୪ ତାରିଖ ଦିନ ଏକ ମେଗା ମାଗଣା ସ୍ବାସ୍ଥ୍ୟସେବା ରକ୍ତଦାନ ଶିବିର ଅନୁଷ୍ଠିତ ହେବାକୁ ଯାଉଛି। ଏଥି ଉପଲକ୍ଷେ ଆଜି ଭଦ୍ରକ ଚାନ୍ଦବାଲି ରାସ୍ତାର ମିଲନ କଲ୍ୟାଣ ମଣ୍ଡପ ଠାରେ ଏକ ସାମ୍ବାଦିକ ସମ୍ମିଳନୀର ଆୟୋଜନ ହୋଇଥିଲା। ଏଥିରେ ମଂଚର ମୁଖ୍ୟ ସଂେଯାଜକ ତଥା ଜିଲା ଦଳିତ ମହାସଂଘର ସଭାପତି ସାମ୍ବାଦିକ ରାଜେନ୍ଦ୍ର ପ୍ରସାଦ ଜେନା ଅଧ୍ଯକ୍ଷତା କରି ସେଦିନର ଦିବସବ୍ୟାପୀ କାର୍ଯ୍ୟକ୍ରମର ସୂଚନା ଦେଇଥିଲେ। ଶ୍ରୀ ଜେନା ଦେଇଥିବା ସୂଚନା ମୂଳେ ସେଦିନ ଉପରୋକ୍ତ ମେଗା ମାଗଣା ସ୍ବାସ୍ଥ୍ୟସେବା ଓ ରକ୍ତଦାନ ଶିବିରକୁ ଜିଲାପାଳ ଜ୍ଞାନ ଦାସ ଉଦ୍ଘାଟନ କରୁଥିବାବେଳେ ଭଦ୍ରକ ବିଧାୟକ ସଂଜୀବ ମଲ୍ଲିକ ମୁଖ୍ୟ ଅତିଥି, ଜିଲା ଆରକ୍ଷୀ ଅଧିକ୍ଷକ ରାଜେଶ ପଣ୍ଡିତ ଓ ସମାଜସେବୀ ରାମଚନ୍ଦ୍ର ବେହେରା ସମ୍ମାନିତ ଅତିଥି, ଚଉଦା ମହଲା ମୁସ୍ଲିମ୍ ଜମାତ ସଭାପତି ହାଜି ମହମ୍ମଦ ଅବଦୁଲ ବାରି ବରେଣ୍ୟ ଅତିଥି ଭାବେ େଯାଗଦେବାର କାର୍ଯ୍ୟକ୍ରମ ରହିଛି। ଏହି ସ୍ବାସ୍ଥ୍ୟସେବା ଓ ରକ୍ତଦାନ ଶିବିରରେ ବଡ ସରକାର ବାବାଙ୍କ ଉର୍ସ ଉସôବକୁ ରାଜ୍ୟ ତଥା ରାଜ୍ୟ ବାହାରୁ ଆସୁଥିବା ଶ୍ରଦ୍ଧାଳୁ ଭକ୍ତମାନଙ୍କର ମାଗଣା ସ୍ବାସ୍ଥ୍ୟ ପରୀକ୍ଷା କରାଯାଇ ଔଷଧ ବନ କରାଯିବ ବୋଲି ଶ୍ରୀ ଜେନା ସାମ୍ବାଦିକମାନଙ୍କୁ ସୂଚନା ଦେଇଥିଲେ। ଆଜିର ଏହି ସାମ୍ବାଦିକ ସମ୍ମିଳନୀରେ ମଂଚ ପକ୍ଷରୁ ସଭାପତି ଅବୁ ହୋସେନ ଖାଁ, ଉପସଭାପତି ସେକ୍ ଜରୋ, ସାଧାରଣ ସଂପାଦକ ସେକ୍ ତାଜୁଦ୍ଧିନ୍, ସହ ସଂପାଦକ ମନ୍ନାନ ଖାଁ ଓ ସଦସ୍ୟ ତୌଫିକ୍ ରଜାକ ଖାଁ, ମୁଜାହିଦ୍ ଅହମ୍ମଦ, ନିଆଜ ଖାନ୍ ପ୍ରମୁଖ ଉପସ୍ଥିତ ଥିଲେ।
