-
ବାଲେଶ୍ଵରରେ ବୃଦ୍ଧି ପାଇଲା ସହଯୋଗର ହାତ
ବାଲେଶ୍ଵର, (କୃଷ୍ଣ କୁମାର ମହାନ୍ତିଙ୍କ ଠାରୁ) କରୋନା ମହାମାରୀ ସହ ଲଢିବା ପାଇଁ ରାଜ୍ୟ ତଥା କେନ୍ଦ୍ର ସରକାରଙ୍କୁ ସାହାଯ୍ୟ କରିବାକୁ ଅନେକ ସଂଗଠନ ଏବଂ ବ୍ୟକ୍ତିବିଶେଷ ଆଗକୁ ଆସୁଥିବା ଦେଖିବାକୁ ମିଳିଛି। ଆଜି ବିଜୁ ଛାତ୍ର ଜନତା ଦଳର ଉତ୍ତର ଓଡ଼ିଶା ଶାଖା ପକ୍ଷରୁ ମୁଖ୍ୟମନ୍ତ୍ରୀ ରିଲିଫ୍ ପାଣ୍ଠିକୁ ପନ୍ଦର ହଜାର ଟଙ୍କାର ସହାୟତା ରାଶି ପ୍ରଦାନ କରାଯାଇଛି। ଉତ୍ତର ଓଡ଼ିଶାର ଛାତ୍ର ଗୋଷ୍ଠୀ ସଭାପତି ତାପସ କୁମାର ପାଣିଗ୍ରାହୀ ଏହି ଅର୍ଥ ଏକ ଡିମାଣ୍ଡ ଡ୍ରାଫ୍ଟ ଆକାରରେ ବାଲେଶ୍ୱରର ଜିଲ୍ଲା ଅଧିକାରୀଙ୍କୁ ପ୍ରଦାନ କରିଛନ୍ତି।
ବିଜୁ ଛାତ୍ର ଜନତାଦଳର କର୍ମୀମାନେ ସାଧାରଣ ଲୋକଙ୍କୁ କରୋନା ଯୋଦ୍ଧା ଭାବରେ ସେବା କରି ଆସୁଛନ୍ତି। ଏଠାରେ, ଜିଲ୍ଲା ପ୍ରଶାସନର ନିର୍ଦ୍ଦେଶ ଅନୁଯାୟୀ, ସ୍ୱେଚ୍ଛାସେବୀ ସଂଗଠନ ସ୍ମାଇଲ୍ ସୋସାଇଟି ଦ୍ୱାରା କରୋନା ମହାମାରୀ ରୋକିବା ପାଇଁ ଅନେକପ୍ରକାର ସହଯୋଗ ଦିଆଯାଉଛି |
ଏହି ଅନୁଷ୍ଠାନର କାର୍ଯ୍ୟକର୍ତ୍ତାମାନେ ଆଜି ଜିଲ୍ଲାର ହଟ୍ ସ୍ପଟ୍ ନୀଳିଆବାଗ ଅଞ୍ଚଳରେ ରହୁଥିବା ଲୋକଙ୍କ ମଧ୍ୟରେ କରୋନା ମହାମାରୀର ବିସ୍ତାରକୁ ରୋକିବା ପାଇଁ ସଚେତନତା ସୃଷ୍ଟି କରିଥିଲେ।
