ଭଞ୍ଜନଗର, ଜୟକୃଷ୍ଣ ପଟ୍ଟନାୟକ
ଗତକାଲି ରାତିରେ ଭଞ୍ଜନଗର ମହାବୀର ଛକରେ ଥିବା ହନୁମାନ ମନ୍ଦିର ନିକଟ ମହାବୀର ପୂଜା ଭଣ୍ଡାରରେ ଅଗ୍ନିକାଣ୍ଡ ଘଟି ସମସ୍ତ ଜିନିଷପତ୍ର ପୋଡ଼ି ସମ୍ପୂର୍ଣ୍ଣ ନଷ୍ଟ ହୋଇଯାଇଛି।ରାତି ୧୧ଟା ସମୟରେ ସ୍ଥାନୀୟ ଲୋକେ ଦୋକାନ ମାଲିକ ଚିତ୍ତ ରଞ୍ଜନ ପଣ୍ଡାଙ୍କୁ ଫୋନକରି ଅଗ୍ନିକାଣ୍ଡ ସମ୍ପର୍କରେ ସୂଚନା ଦେଇଥିଲେ।ଏହାପରେ ସେ ଦୋକାନକୁ ଆସି ଦେଖିବା ପରେ ଅଗ୍ନିଶମ ବିଭାଗକୁ ଖବର ଦେଇଥିଲେ।ଦମକଳ ଆସି ନିଆଁକୁ ଲିଭେଇଥିଲା ହେଲେ ସେତେବେଳକୁ ବହୁ ଜିନିଷ ପୋଡି ଯାଇଥିଲା।ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିଛନ୍ତି।ହେଲେ ଅଗ୍ନିକାଣ୍ଡ ସମ୍ପର୍କରେ କୌଣସି ସଠିକ କାରଣ ଜଣା ପଡିନାହିଁ। ଦୋକାନ ରେ ପ୍ରାୟ ୫ଲକ୍ଷ ଟଙ୍କାର ଜିନିଷ ନଷ୍ଟ ହୋଇଥିବା ମାଲିକ ଶ୍ରୀ ପଣ୍ଡାଙ୍କ କହିଛନ୍ତି।
