![](https://indokalingtimes.com/wp-content/uploads/2020/04/WhatsApp-Image-2020-04-24-at-7.57.03-PM.jpeg)
ବ୍ରହ୍ମପୁର : ଗତ ୧୬ତାରିଖ ରାତ୍ରରେ ରିପବ୍ଲି ଟିଭିର ସମ୍ପାଦକ ଅର୍ଣ୍ଣବ ଗୋସ୍ୱାମୀ ମହାରାଷ୍ଟ୍ରର ପାଲଘର ଠାରେ ହୋଇଥିବା ୨ଜଣ ସାଧୁ ଓ ତାଙ୍କର ଡ୍ରାଇଭରଙ୍କୁ ହତ୍ୟାକୁ ନେଇ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ବ୍ୟକ୍ତିଗତ ଭାବେ ଖରାପ ଭାଷା ବ୍ୟବହାର କରିବା ସହ ଦେଶରେ ସମ୍ପ୍ରଦାୟୀକ ବାତାବରଣକୁ ନଷ୍ଟ କରିବା ପାଇଁ ବିଭିନ୍ନ ଉତ୍ତେଜନାମୂଳକ ବକ୍ତବ୍ୟ ମଧ୍ୟ ରଖିଥିଲେ । ଏହି ଘଟଣା ସମଗ୍ର ଦେଶରେ ଚାଞ୍ଚଲ୍ୟ ଖେଳାଇ ଦେବାସହ ଏପରି ହୀନ ଉଦ୍ୟମ ଜଣେ କଥାକଥିକ ସାମ୍ବାଦିକ କ୍ଷେତ୍ରରେ ଜମା ଗ୍ରହଣୀୟ ନୁହେଁ । ତେଣୁ ଶ୍ରୀ ଗୋସ୍ୱାମୀ ଉକ୍ତ ହୀନ କଂଗ୍ରେସ ଅଧ୍ୟକ୍ଷା ସୋନିଆ ଗାନ୍ଧୀଙ୍କୁ ଗାଳିଦେବାରେ ସୀମିତ ନରହି ଭାରତୀୟ ସମ୍ବିଧାନ ଓ ଗଣତନ୍ତ୍ର ଧର୍ମନିରପେକ୍ଷତାକୁ ମଧ୍ୟ ଗାଳି ଦେଇଛନ୍ତି । ତେଣୁ ତାଙ୍କୁ ତୁରନ୍ତ ଗିରଫକରି ଆଇନ୍ ଅନୁଯାୟୀ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ ବୋଲି ଗଞ୍ଜାମ ଜିଲ୍ଲା କଂଗ୍ରେସ ତରଫରୁ ବ୍ରହ୍ମପୁର ଟାଉନ୍ ଥାନାରେ ଏକ ଏତଲା ଦିଆଯାଇଛି । ଏତଲା ପ୍ରଦାନ ସମୟରେ ଜିଲ୍ଲା କଂଗ୍ରେସ କମିଟି ସଭାପତି ପୀତବାସ ପଣ୍ଡା, ଭୋକାଲି ସେଠୀ, ସାଇ ପାତ୍ର, ଉଦୟ ପାଣିଗ୍ରାହୀ ପ୍ରମୁଖ ଉପସ୍ଥିତ ଥିଲେ ।