ଭୁବନେଶ୍ୱର । ରାଜ୍ୟରେ ଆଉ ଜଣେ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । ଆଜି ଚିହ୍ନଟ ହୋଇଥିବା କରୋନା ସଂକ୍ରମିତ ବାଲେଶ୍ୱର ଜିଲ୍ଲାର ବୋଲି ଜଣା ପଡିଛି । ସୂଚନା ଓ ଲୋକ ସମ୍ପର୍କ ବିଭାଗ ପକ୍ଷରୁ ଟ୍ୱିଟ କରି ଏହି ସୂଚନା ଦିଆ ଯାଇଛି । ଏହା ଦ୍ୱାରା ରାଜ୍ୟରେ ମୋଟ କରୋନା ସଂକ୍ରମିତଙ୍କ ସଂଖ୍ୟା ୯୦ରେ ପହଂଚିଛି ।
ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ କରୋନା ସଂକ୍ରମିତ ହୋଇଥିବା ବ୍ୟକ୍ତି ଜଣଙ୍କର ବୟସ ୪୦ ବର୍ଷ ଓ ସେ ପଶ୍ଚିମ ବଙ୍ଗ ଫେରନ୍ତା । କଂଟାକ୍ଟ ଟ୍ରେସିଂ ଓ ଏହା ସମ୍ପର୍କିତ ପରବର୍ତୀ ପଦକ୍ଷେପ ନିଆ ଯାଉଥିବା ବିଭାଗ ପକ୍ଷରୁ ପ୍ରକାଶ କରା ଯାଇଛି ।
