ନୂଆପଡ଼ା– ନୂଆପଡ଼ା ଜିଲ୍ଲା କୋମନା ବ୍ଲକ୍ ରେ ଗତକାଲି ରାତିରେ କାଳବୈଶାଖୀ ପ୍ରଭାବରେ ଘଡ଼ଘଡ଼ି ସାଙ୍ଗକୁ ବର୍ଷା ହୋଇଥିଲା । ଏହି ସମୟରେ ବଜ୍ରପାତରେ ତିନି ଜଣ ଆହତ ହୋଇଥିବା ସୂଚନା ମିଳିଛି । ବ୍ଲକର ବଘାମୁଣ୍ଡା ଗ୍ରାମର ସୁଜନ ଆଡବଙ୍ଗ (୪୦), ବିଲେନଜୋର ଗ୍ରାମର ନିରଞ୍ଜନ ଭୋଇ (୨୫) ଏବଂ ଶରତ ଭୋଇ (୨୧) ତିନି ଜଣ ଏକାଠି ନିରଞ୍ଜନଙ୍କ ଘର ବାରଣ୍ଡାରେ ବସିଥିବା ବେଳେ ଏହି ଅଘଟଣ ଘଟିଥିଲା । ଫଳରେ ସେମାନେ ଆହତ ହୋଇଥିଲେ । ଖବର ପାଇ କୋମନା ଦମକଳବାହିନୀ ଘଟଣାସ୍ଥଳରେ ପହଂଚି ଅଚେତ୍ ଅବସ୍ଥାରେ ଆହତ ମାନଙ୍କୁ ଉଦ୍ଧାର କରି କୋମନା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତି କରିଛନ୍ତି । ଆହତ ମାନଙ୍କ ସ୍ୱାସ୍ଥ୍ୟାବସ୍ଥାରେ ସୁଧାର ପରିଲକ୍ଷିତ ହେଉଥିବା ମେଡ଼ିକାଲ ସୂତ୍ରରୁ ପ୍ରକାଶ ।
