କୋଣାର୍କ- ଗଣମାଧ୍ୟମ ପ୍ରତିନିଧିଙ୍କ ଘର ଉପରକୁ ଗୁରୁବାର ବିଳମ୍ବିତ ରାତିରେ ବୋମା ମାଡ ହୋଇଛି । ଏଭଳି ଅଭିଯୋଗ ଆସିଛି ପୁରୀ ଜିଲ୍ଲା କୋଣାର୍କ ଅଂଚଳରୁ ।
କୋଣାର୍କ ବାଲିସାହିର ଗଣମାଧ୍ୟମ ପ୍ରତିନିଧି ସଞ୍ଜୟ ପତିଙ୍କ ଘର ଉପରକୁ ଗତକାଲି ବିଳମ୍ବିତ ରାତିରେ ବୋମା ମାଡ଼ ହୋଇଛି । ଦୁର୍ବୃତଙ୍କ ବୋମା ମାଡ଼ରେ ତାଙ୍କ ଘରର କିଛି ଅଂଶ ନଷ୍ଟ ହୋଇଛି । ତେବେ ସଞ୍ଜୟଙ୍କ ପରିବାର ସଦସ୍ୟ ଏଥିରୁ ଅଳ୍ପକେ ବର୍ତିଯାଇଛନ୍ତି । ତିନି ଜଣ ଦୁର୍ବୃତ ବାଇକ୍ ଯୋଗେ ଆସି ଏହି କାଣ୍ଡ ଭିଆଇବା ପରେ ସେଠାରୁ ଆଖି ପିଛୁଳାକେ ଫେରାର୍ ହୋଇଯାଇଥିଲେ । ଏହି ସମୟରେ ସଞ୍ଜୟ ଘରେ ନଥିଲେ । ତାଙ୍କ ସାନ ଭାଇ ତାଙ୍କୁ ଫୋନ୍ କରି ଘଟଣା ସମ୍ପର୍କରେ ଜଣାଇଥିଲେ । ଖବର ପାଇ କୋଣାର୍କ ପୋଲିସ ଘଟଣାସ୍ଥଳରେ ପହଂଚି ଛାନଭିନ୍ କରି ଫେରିଛି । ଦୁର୍ବୃତ ମାନେ ବୋମା ଧରି ଆସିଥିବା ବ୍ୟାଗକୁ ପୋଲିସ ସେଠାରୁ ଜବତ କରିଛି । ପୋଲିସ ପକ୍ଷରୁ ଏନେଇ ଅଧିକ ତଦନ୍ତ ଜାରୀ ରହିଛି ।
