ଖୋର୍ଦ୍ଧା– ଖୋର୍ଦ୍ଧା ଜିଲ୍ଲା ବେଗୁନିଆ ଥାନା ଅନ୍ତର୍ଗତ ରାସୋଳ ଗ୍ରାମରେ ବେଆଇନ ଭାବେ ଚାଲିଥିବା ଏକ ମଦ ଫ୍ୟାକ୍ଟ୍ରି ଉପରେ ଆଜି ସକାଳେ କ୍ୱିକ୍ ଆକ୍ସନ୍ ଟିମ୍ (କ୍ୟୁଏଟି) ଓ ଜିଲ୍ଲା ଅବକାରୀ ବିଭାଗ ପକ୍ଷରୁ ମିଳିତ ଚଢ଼ଉ ହୋଇଛି । ଘଟଣାସ୍ଥଳରୁ ଗୋଟିଏ ଟ୍ରକ୍ ଓ ଏକ କାର୍ ସହିତ ବିପୁଳ ପରିମାଣର ମଦ ଜବତ ହୋଇଛି । ଏଥି ସହିତ ମଦ ପାଉଚ୍ ସିଲ୍ ପାଇଁ ବ୍ୟବହୃତ ମେସିନକୁ ଜବତ କରାଯାଇଛି । ଘଟଣାରେ ଫ୍ୟାକ୍ଟ୍ରି ମାଲିକଙ୍କୁ ଅଟକ ରଖି ବିଭାଗୀୟ ଅଧିକାରୀ ମାନେ ପଚରା ଉଚୁରା ଜାରୀ ରଖିଛନ୍ତି । ଏନେଇ ତାଙ୍କ ନିକଟରୁ ଅଧିକ ତଥ୍ୟ ମିଳିବା ଆଶା କରାଯାଉଛି ।
