ଜଳିଗଲା ୩ଟି ଜଳଖିଆ ଦୋକାନ

ବ୍ରହ୍ମପୁୁର: ରବିବାର ରାତି ୮ଟା ସମୟରେ ସ୍ଥାନୀୟ ଇଞ୍ଜିନିୟରିଂ ସ୍କୁଲ ଛକରେ ଥିବା ୩ଟି ଫୁଟ୍‌ପାଥ ଜଳଖିଆ ଦୋକାନରେ କୌଣସି କାରଣରୁ ଦୋକାନରେ ନିଆଁ ଲାଗି ୩ଟି ଯାକ ଦୋକାନ ପୋଡି ପାଉଁଶ ହୋଇଯାଇଛି । ହୁ ହୁ ହୋଇ ନିଆଁ ଲାଗିବା ସମୟରେ ଅଞ୍ଚଳବାସୀ ବାଲି ଏବଂ ପାଣି ପକାଇ ନିଆଁକୁୁ ଆୟତ୍ତ କରିବା ପାଇଁ ଚେଷ୍ଟା କରିଥିଲେ । ପରେ ଅଗ୍ନିଶମ ବିଭାଗ ଏବଂ ବୈଦ୍ୟନାଥପୁର ଥାନା ପୁଲିସ୍ ଘଟଣାସ୍ଥଳରେ ପହଞ୍ôଚ ନିଆଁକୁ ଆୟତ୍ତ କରିଥିଲେ । ପ୍ରାୟ ୩୦ମିନିଟ୍ ଧରି ନିଆଁ ଜଳିବା ପରେ ୩ଟି ଯାକ ଦୋକାନ ସମ୍ପୂର୍ଣ୍ଣ ପୋଡି ପାଉଁଶ ହୋଇଯାଇଛି । ଦୋକାନ ଗୁଡିକରେ ବିଦ୍ୟୁତ୍ ସଂଯୋଗ ନଥିବା ବେଳେ କେଉଁ ପରିସ୍ଥିତିରେ ନିଆଁ ଲାଗିଲା ତାହା ତଦନ୍ତ କରାଯାଉଛି । କୌଣସି ଲୋକ ସିଗାରେଟ୍ କିମ୍ବା ଅନ୍ୟ କିଛି ଜାଳେଣି ଜିନିଷ ଫିଙ୍ଗି ଦେଇଥିବା ଯୋଗୁଁ ଏହିପରି ଘଟିଥାଇପାରେ ବୋଲି କୁହାଯାଉଛି ।