ବ୍ରହ୍ମପୁର: ବର୍ତ୍ତମାନ ସମୟରେ କରୋନାର ଭୟାବହତା ସାରା ବିଶ୍ୱରେ ଦେଖାଦେଇଥିବା ବେଳେ ଏହାର ମୁକାବିଲା କ୍ଷେତ୍ରରେ ସଚେତନତା ସୃଷ୍ଟି କରାଯାଉଛି । ଶନିବାର ଗୋଳନ୍ଥରା ପୋଲିସ ଏବଂ ସଦର ଏସ୍ଡିପିଓ ଜୟନ୍ତ ମହାପାତ୍ରଙ୍କ ନେତୃତ୍ୱରେ ନିକଟସ୍ଥ କଙ୍କିଆ ଏବଂ ଟାମଣା ଗ୍ରାମରେ କରୋନାର କିପରି ମୁକାବିଲା କରିହେବ ଏ ଦିଗରେ ସଚେତନା କରାଯିବା ସହ ଗ୍ରାମରେ ମାସ୍କ ବଣ୍ଟନ କରାଯାଇଥିଲା । ଗୋଳନ୍ଥରା ଥାନାଧିକାରୀ ବାବୁଲି ନାୟକଙ୍କ ସମେତ ଏଏସ୍ଆଇ ଗୋବିନ୍ଦ୍ର ମଲ୍ଲିକ ଏବଂ ଅନ୍ୟ ସମସ୍ତ କର୍ମଚାରୀ ଏଥିରେ ସହଯୋଗ କରିଥିଲେ । ଶେଷରେ ୨ଟି ଗ୍ରାମର ଗ୍ରାମବାସୀ ମାନଙ୍କୁ ରନ୍ଧା ଖାଦ୍ୟ ବଣ୍ଟନ କରାଯାଇଥିଲା ।
