ସାନଖେମୁଣ୍ଡି : ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ କଣ୍ଟାବାଉଁସ ଓ ଢ଼ୀମ୍ବିରାପଲ୍ଲୀ ଗ୍ରାମରେ ଚଢ଼ାଉ କରି 130 ଲିଟର ଦେଶୀ ରନ୍ଧା ମଦ ଜବତ କରିବା ସହ ଦୁଇ ଜଣଙ୍କୁ ଗିରଫ କରି ଶୁକ୍ରବାର କୋର୍ଟ ଚାଲାଣ କରିଛି l ସେମାନେ ହେଲେ କଣ୍ଟାବାଉଁଶ ଗ୍ରାମର ରାଇବାରୀଆ ରଇତ ଓ ଢ଼ୀମ୍ବିରାପଲ୍ଲୀ ଗ୍ରାମର ହାଡୁ ମଲିକ l ପାଟପୁର ଅଞ୍ଚଳରେ ବିପୁଳ ପରିମାଣର ମଦ କାରବାର ଚାଲିଥିବା ସମୟରେ ଅବକାରୀବିଭାଗ ନିରବ ସାଜିଥିବା ସମୟରେ ପାଟପୁର ଥାନା ଅଧିକାରୀ ଅଜୟ କୁମାର ବାରିକଙ୍କ ନେତୃତ୍ବରେ ଏକ ଟିମ ଅଚାନକ ଉକ୍ତ ଗ୍ରାମରେ ଚଢ଼ାଉ କରିଥିଲେ I ରଇବାରୀଆ ଙ୍କ ଠାରୁ 80 ଲିଟର ଓ ହାଡୁ ଙ୍କ ଠାରୁ 50 ଲିଟର ଦେଶୀ ରନ୍ଧା ମଦ ଜବତ କରିବା ସହ ମଦ ତିଆରି ସାମଗ୍ରୀ ରସ ହଣ୍ଡା ଓ ପ୍ଲାଷ୍ଟିକ ବେରେଲ ଜବତ କରାଯାଇଛି l ଏନେଇ ପାଟପୁର ଥାନାରେ ଦୁଇଟି ପୃଥକ ମାମଲା ନଂ 78/20, 79/20 ରୁଜୁ କରି ଅଭିଯୁକ୍ତ ଦ୍ୱୟଙ୍କୁ କୋର୍ଟ ଚାଲାଣ କରାଯାଇଛି l
ରିପୋର୍ଟ: ପ୍ରଫୁଲ୍ଲ ସାବତ।
