ଭୁବନେଶ୍ୱର – କୋରୋନା ମହାମାରୀକୁ ପ୍ରତିହତ କରିବା ପାଇଁ ଲକଡାଉନ କଟକଣା କୁ ମାନି ସାମାଜିକ ଦୂରତା ବଜାୟ ରଖି ଓଡିଶା ପ୍ରଦେଶ କଂଗ୍ରେସ ତରଫରୁ ସମ୍ବିଧାନ ପ୍ରଣେତା ଭାରତରତ୍ନ ସ୍ୱର୍ଗତ ଡ଼ ବି ଆର ଆମ୍ବେଦକରଙ୍କ ଜୟନ୍ତୀ ନିରାଡମ୍ବର ଭାବେ ପାଳିତ ହୋଇଯାଇଛି ।
ପ୍ରଥମେ ଏଜି ଛକ ସ୍ଥିତ ତାଙ୍କ ପ୍ରତିମୂର୍ତି ରେ ପିସିସି ସଭାପତି ନିରଞ୍ଜନ ପଟ୍ଟନାୟକ,ବିଧାୟକ ଶ୍ରୀ ସୁରେଶ କୁମାର ରାଉତରାୟ ପ୍ରମୁଖ ପୁଷ୍ପମାଲ୍ୟ ଅର୍ପଣ କରି ଶ୍ରଦ୍ଧାଞ୍ଜଳି ଅର୍ପଣ କରିବା ପରେ କଂଗ୍ରେସ ଭବନ ଯାଇଁ ସେଠାରେ ଥିବା ମହାପୁରୁଷଙ୍କ ପ୍ରତିମୂର୍ତି ରେ ପୁଷ୍ପମାଲ୍ୟ ଅର୍ପଣ କରିଥିଲେ ।
ଏହି କାର୍ଯ୍ୟକର୍ମରେ ଅନ୍ୟମାନଙ୍କ ମଧ୍ୟରେ ରଶ୍ମି ମହାପାତ୍ର,ମନୋରଞ୍ଜନ ଦାସ,ଚିନ୍ମୟ ସୁନ୍ଦର ଦାସ,ଦୀପକ କୁମାର ମହାପାତ୍ର,ମାନସ ରଞ୍ଜନ ଆଚାର୍ଯ୍ୟ,ଜ୍ୟୋତିଷ ସାହୁ,ଜୟକୃଷ୍ଣ ମଲିଆ,ହଳଧର ସେଠି ,ଜମ୍ବେଶ୍ୱର ମଲ୍ଲିକ ଓ ମଂଟୁ ମଲ୍ଲିକ ଉପସ୍ଥିତ ଥିଲେ ।
