ଗଞ୍ଜାମ– ଜିଲ୍ଲାରେ ଲକ୍ ଡାଉନ୍ ଜାରୀ ରହିଥିବା ବେଳେ ଏହାକୁ ଉଲ୍ଲଙ୍ଘନ କରି କେତେକ ଅସାମାଜିକ ବ୍ୟକ୍ତି ଜିଲ୍ଲାର ଧରାକୋଟ ଥାନା ଅନ୍ତର୍ଗତ ଚମ୍ପାପଲ୍ଲୀରେ ଦେଶୀ ମଦ ବିକ୍ରୀ କରୁଥିବା ଖବର ପାଇ ଗତକାଲି ରାତିରେ ପୋଲିସ ସେଠାରେ ଚଢ଼ଉ କରିଥିଲା । ପୋଲିସକୁ ଦେଖି ୬ ଜଣ ମଦ ବେପାରୀ ଘଟଣାସ୍ଥଳରୁ ଚମ୍ପଟ୍ ମାରିଥିଲେ । ପୋଲିସ ସେଠାରୁ ଶତାଧିକ ଆସ୍କାଫର୍ଟି ପାଉଚ୍ ମଦ ଜବତ କରିବା ସହ ଏହାକୁ ନଷ୍ଟ କରିଛି ।
ମେରୁ ଯାତ୍ରାକୁ ବନ୍ଦ ଘୋଷଣା କଲେ ଜିଲ୍ଲାପାଳ
ଗଞ୍ଜାମ– ଲକ୍ ଡାଉନ୍ କୁ ଦୃଷ୍ଟିରେ ରଖି ଗଞ୍ଜାମ ଜିଲ୍ଲାପାଳ ବିଜୟ ଅମୃତ କୁଲାଙ୍ଗେ ଆସନ୍ତାକାଲି ଅନୁଷ୍ଠିତ ହେବାକୁ ଥିବା ମେରୁ ଯାତ୍ରାକୁ ବନ୍ଦ ଘୋଷଣା କରିଛନ୍ତି । କେହି ଭକ୍ତ ଯିବେ ନାହିଁ । କେବଳ ଜଣେ ପୂଜାରୀ ଯାଇ ଏହି ପୂଜା କାର୍ଯ୍ୟ ସମାପନ କରିବାକୁ ସେ କହିଛନ୍ତି । କରୋନା ସଂକ୍ରମଣକୁ ଦୃଷ୍ଟିରେ ରଖି ଜନସାଧାରଣଙ୍କୁ ଘରେ ରହିବାକୁ ସେ ଅନୁରୋଧ କରିଛନ୍ତି ।
