ଜିଲ୍ଲା ପ୍ରଶାସନ ପକ୍ଷରୁ ସାନିଟାଇଜ କରାଗଲା ତିନୋଟି କାର୍ଯ୍ୟାଳୟ

ମାଲକାନଗିରି– ମାଲକାନଗିରି ଜିଲ୍ଲାରେ ଜିଲ୍ଲା ପ୍ରଶାସନ ତରଫରୁ ଆଜି ବିଭିନ୍ନ ସ୍ଥାନରେ ସାନିଟାଇଜ କରାଯାଇଛି। ସାରା ରାଜ୍ୟରେ କରୋନା ପାଇଁ ହାଇ ଆଲର୍ଟ ଜାରୀ ହୋଇଥିବା ବେଳେ ଏହି ଭାଇରସ୍ ର ପ୍ରଭାବରୁ ରକ୍ଷା ପାଇବା ପାଇଁ ମାଲକାନଗିରି ପ୍ରଶାସନ ତରଫରୁ ଏଭଳି ପଦକ୍ଷେପ ନିଆଯାଇଛି ।  ଜିଲ୍ଲା ପ୍ରଶାସନର ନିର୍ଦ୍ଦେଶ କ୍ରମେ ମାଲକାନଗିରି ଦମକଳ ବିଭାଗ ପକ୍ଷରୁ ଜିଲ୍ଲାପାଳଙ୍କ କାର୍ଯ୍ୟାଳୟ, ମାଲକାନଗିରି ଥାନା ଏବଂ ମାଲକାନଗିରି ମୁଖ୍ୟ ଜେଲ୍ ର ଚର୍ତୁପାର୍ଶ୍ବକୁ ସାନିଟାଇଜ୍ କରାଯାଇଛି । ସୋଡିୟମ ହାଇପୋ କ୍ଲୋରାଇଡ଼ ଓ ଜଳର ମିଶ୍ରଣରେ ଏହି ସାନିଟାଇଜର ପ୍ରସ୍ତୁତ ହୋଇଥିବା ବେଳେ ଏହାକୁ ମାଲକାନଗିରି ଦମକଳ ବାହିନୀ ଆଜି ସ୍ପ୍ରେ କରି ସାନିଟାଇଜ କରିଛନ୍ତି । ଜିଲ୍ଲାପାଳ ମନୀଷ ଅଗ୍ରୱାଲଙ୍କ ନିର୍ଦ୍ଦେଶ କ୍ରମେ ଏହି କାର୍ଯ୍ୟକ୍ରମ କରାଯାଉଥିବା ବେଳେ ଆଗାମୀ ସମୟରେ ଯେଉଁ ସ୍ଥାନ ଗୁଡିକୁ ପ୍ରଶାସନ ଚିହ୍ନଟ କରିବ ସେଗୁଡିକ ମଧ୍ୟ ସାନିଟାଇଜ କରାଯିବ ବୋଲି ମାଲକାନଗିରି ଦମକଳ ବାହିନୀର ଅଧିକାରୀ ମତ ଦେଇଛନ୍ତି ।