ଭୁବନେଶ୍ୱର । ଲକଡାଉନକୁ ଜନସାଧାରଣଙ୍କୁ ଆନ୍ତରିକତାର ସହ ପାଳନ କରିବାକୁ ନିବେଦନ କରିଛନ୍ତି ପୁରୀ ଗଜପତି ମହାରାଜ ଦିବ୍ୟ ସିଂହ ଦେବ ।
ଗଜପତି ମହାରାଜ ତାଙ୍କ ବାର୍ତାରେ କହିଛନ୍ତି ଯେ “କରୋନା ଭୁତାଣୁର ଭୟାବହତା ଦୃଷ୍ଟେ ଏପ୍ରିଲ ୩୦ ତାରିଖ ପର୍ଯ୍ୟନ୍ତ ଲକ ଲଡାଉନକୁ ବଳବତର ରଖିବା ପାଇଁ ରାଜ୍ୟ ସରକାରଙ୍କ ନିଷ୍ପତିକୁ ସମସ୍ତ ଜନସାଧାରଣଙ୍କୁ ଆନ୍ତରିକତାର ସହ ପାଳନ କରିବାକୁ ନିବେଦନ । ଶ୍ରୀ ଶ୍ରୀ ଜଗନ୍ନାଥ ମହାପ୍ରଭୁଙ୍କ କୃପାରୁ ଏହି ବିପଦ ଅତି ଶୀଘ୍ର ଟଳି ଯାଉ । ”
ମାସ୍କ ନ ପିନ୍ଧିଲି ମିଳିବ ନାହିଁ ପେଟ୍ରୋଲ
ଭୁବନେଶ୍ୱର। ଏବେ ପେଟ୍ରୋଲ ପମ୍ପକୁ ପେଟ୍ରୋଲ ଭର୍ତି କରିବା ପାଇଁ ହେଲେ ମାସ୍କ ପିନ୍ଧି ଯିବାକୁ ପଡିବ । ଉତ୍କଳ ପେଟ୍ରୋଲ ଡିଲର ଆସୋସିଏସନ ପକ୍ଷରୁ ଏପରି କରିବାକୁ ନିଷ୍ପତି ଗ୍ରହଣ କରା ଯାଇଛି । ଯେଉଁ ମାନେ ମାସ୍କ ନ ପିନ୍ଧି ଆସିବେ ସେମାନଙ୍କୁ ପେଟ୍ରୋଲ ଦିଆ ଯିବ ନାହିଁ । ଆସୋସିଏସନର ସାଧାରଣ ସମ୍ପାଦକ ସଂଜୟ ଲାଠ ଏହି ସୂଚନା ଦେଇଛନ୍ତି ।
