ଧର୍ମଶାଳା – ରାଜ୍ୟରେ କରୋନାକୁ ନେଇ ଲକ୍ ଡାଉନ ହେବା ଫଳରେ ଦିନ ମଜୁରୀଆମାନେ ନାହିଁ ନଥିବା ଅସୁବିଧାରେ ସମ୍ମୁଖୀନ ହେଉଛନ୍ତି । ସେମାନଙ୍କୁ ଦୃଷ୍ଟିରେ ରଖି ରସୁଲପୁର ବ୍ଲକ ମଙ୍ଗରାଜପୁର ପଂଚାୟତସ୍ଥ ବାଲିଗୁଡା ଓ ଦେଉଳି ଗ୍ରାମରେ ସିମିତିସଭ୍ୟା ମହେଶ୍ୱତା ନାୟକ ଗଲା ତିନି ଦିନ ଧରି ଶୁଖିଲା ଖାଦ୍ୟ ବଂଟନ କରୁଥିବା ଦେଖିବାକୁ ମିଳିଛି । ଏହି ଗ୍ରାମରେ ଅଧିକାଂଶ ଲୋକ ଦିନ ମଜୁରୀଆଭାବେ କାମ କରନ୍ତି । କେରୋନା ଲକ୍ ଡାଉନ ଫଳରେ ସେମାନଙ୍କ କାମଧନ୍ଦା ବନ୍ଦ ହୋଇଯାଇଛି । ସେମାନଙ୍କ ପାଖରେ ଆବଶ୍ୟକୀୟ ଖାଦ୍ୟ ସାମଗ୍ରୀ ସରିବାକୁ ବସିଲାଣି । ଏହାକୁ ଦୃଷ୍ଟିରେ ରଖି ସମିତିସଭ୍ୟା ଏହି ୨ଗ୍ରାମର ଶହେରୁ ଉଦ୍ଧ୍ୱର୍ ପରିବାରଙ୍କ ନିକଟରେ ପଂହଚି ଆଳୁ, ପିଆଜ, ବିସ୍କୁଟ, ଚୁଡା, ଚିନି ଓ ସାବୁନ ଆଦି ପ୍ରଦାନ କରିଛନ୍ତି । ସମିତିସଭ୍ୟାଙ୍କ ସମେତ ବୁଲବୁଲ ନାୟକ,ନିଂରଜନ ପ୍ରଧାନ, ପଙ୍କଜ ମିଶ୍ର, ଆଶୁତୋଷ ବାରିକ୍, ପ୍ରଶାନ୍ତ ମହାନ୍ତି ଓ ପ୍ରଭାତ ମଲିକ ପ୍ରମୁଖ ଖାଦ୍ୟ ବଂଟନରେ ସହଯୋଗ କରିଥିଲେ ।
