ଧର୍ମଶାଳା– କରୋନାକୁ ମୁକାବିଲା ପାଇଁ ଦେଶକୁ ଲକ୍ ଡାଉନ ଆଜି ଦଶମ ଦିନରେ ପଂହଚିଛି । ପ୍ରଶାସନ ପକ୍ଷରୁ ଘରୁ ବାହାରକୁ ନ ବାହାରିବା ପାଇଁ ଲୋକଙ୍କୁ ସଚେତନ କରାଯାଉଛି । ଆଜି ନିକଟ ଜିଲା କଟକରେ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଯାହାକୁ ନେଇ ଯାଜପୁର ଜିଲାରେ ମଧ୍ୟ ପ୍ରଭାବ ପଡିଛି । ଲୋକମାନଙ୍କୁ ଆଗକୁ ଆହୁରି ସତର୍କ ହେବାକୁ ପଡିବ । ହେଲେ ମାନସିକତାର ଅଭାବରୁ ଲୋକେ ଏହି ମହାମାରୀ ସମ୍ପର୍କରେ ଜାଣି ମଧ୍ୟ ଅଜଣା ହେଉଛନ୍ତି । ଆଜି ଗହଳି ଚହଳି ଦେଖିବାକୁ ମିଳିଛି ଯାଜପୁର ଜିଲା ରସୁଲପୁର ବ୍ଲକ ବ୍ରହ୍ମବରଦା ପୁରୁଣା ଫାଣ୍ଡିଛକ ନିକଟସ୍ଥ ମାଛ ମାର୍କେଟରେ । ଲୋକେ ଆଜି ଆମିଷ ବଜାରରେ ସାମାଜିକ ଦୂରତାକୁ ଭୁଲି ମାଛ କିଣୁଥିବା ଦେଖିବାକୁ ମିଳିଛି । ବେଳ ଥାଉ ସାବଧାନ ନ ହେଲେ ଏହି ମହାମାରୀ ଆମ ଅଂଚଳରେ ନ ପଂହଚିବ ତାହା କିଏ କହିବ ।
