ଧର୍ମଶାଳା– ସରକାରଙ୍କ ପକ୍ଷରୁ ଘୋଷଣା କରାଯାଇଥିବା ଲକ୍ ଡାଉନ ଇତିମଧ୍ୟରେ ଦଶମ ଦିନରେ ପହଂଚିଛି । ଅନେକ ଅସହାୟ ଓ ଦିନ ମଜୁରିଆ ଶ୍ରେଣୀର ଲୋକେ କାମ ଧନ୍ଦା ନ ପାଇ ଘରେ ହତାଶ ଅବସ୍ଥାରେ ବସି ରହିଛନ୍ତି ।
ସେମାନଙ୍କ ପାଖରେ ପର୍ଯ୍ୟାପ୍ତ ପରିମାଣର ଖାଦ୍ୟ ନ ଥିବାରୁ ଖାଦ୍ୟ ଅଭାବରୁ ଉପବାସ ରହୁଛନ୍ତି । ଏଭଳି ଦୃଶ୍ୟ ଦେଖିବାକୁ ମିଳିଛି ଯାଜପୁର ଜିଲା ଧର୍ମଶାଳା ଥାନା ଅନ୍ତର୍ଗତ ଆଳିଜଙ୍ଗା ଗ୍ରାମରେ । ଏହି ଗ୍ରାମର ଅନେକ ପରିବାରଙ୍କୁ ସହଯୋଗର ହାତ ବଢାଇଛନ୍ତି ଧର୍ମଶାଳା ଥାନା ଅଧିକାରୀ ସରୋଜ କୁମାର ସାହୁ । ସମ୍ପ୍ରତି ଲୋକମାନଙ୍କୁ ସୁରକ୍ଷା ଦେବା ସହିତ କରୋନା ଭୂତାଣୁରୁ କିପରି ରକ୍ଷା ପାଇବା ସେନେଇ ଦିନ ରାତି ଏକ କରି ସଚେତନ କରିବା ସହ ଶୁଖିଲା ଖାଦ୍ୟ ବଂଟନ କରିଛନ୍ତି । ଥାନା ଅଧିକାରୀଙ୍କ ସମେତ ଥାନାର ସମସ୍ତ କର୍ମଚାରୀ ଉପସ୍ଥିତ ରହିଥିଲେ । ତାଙ୍କର ଏହି ମହତ୍ କାର୍ଯ୍ୟ ପାଇଁ ଧର୍ମଶାଳା ନିର୍ବାଚନ ମଣ୍ଡଳୀର ବିଭିନ୍ନ ଅଂଚଳରୁ ତାଙ୍କ ନିକଟକୁ ଶୁଭେଚ୍ଛା ବାର୍ତ ପଂହଚୁଥିବା ଜଣାପଡିଛି ।
