ଭୁବନେଶ୍ୱର– ରାଜ୍ୟର କିଛି ସ୍ଥାନରେ ଆମ୍ବୁଲାନ୍ସର ଅସତ୍ ବ୍ୟବହାର ହେଉଥିବା ସାମ୍ନାକୁ ଆସିଛି । ଲକ୍ ଡାଉନ୍ ସମୟରେ ଅନ୍ୟ ଗାଡି ଚଳାଚଳ ଉପରେ ରୋକ୍ ଥିବାରୁ ଏହାର ଫାଇଦା ଉଠାଇ କିଛି ଆମ୍ବୁଲାନ୍ସ ଡ୍ରାଇଭର୍ ଲୋକମାନଙ୍କୁ ନେବା ଆଣିବାକୁ କରିଥିବା ଅଭିଯୋଗ ହୋଇଛି । ଏଭଳି ଘଟଣା ପୁନର୍ବାର ଘଟିଲେ ସମ୍ପୃକ୍ତ ଆମ୍ବୁଲାନ୍ସ ଡ୍ରାଇଭରଙ୍କୁ ଗିରଫ କରାଯିବ । ତାଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନିଆଯିବା ସହ ତତକ୍ଷଣାତ୍ ଗାଡି ସିଜ୍ କରାଯିବ । ଏପରି ଘଟଣା ପ୍ରତି ଆମ୍ବୁଲାନ୍ସ ଡ୍ରାଇଭର ଓ ଗାଡି ମାଲିକମାନେ ସଚେତନ ହେବା ଉଚିତ୍ ବୋଲି ଶ୍ରୀ ବାଗଚୀ କହିଛନ୍ତି ।
