ଡାକ୍ତରଙ୍କ ମହନୀୟତା
ବ୍ରହ୍ମପୁର: ନିଜ ସରକାରୀ କ୍ୱାଟର୍ସକୁ କରୋନା ସନ୍ଦିଗ୍ଧଙ୍କ ପାଇଁ ଆଇସୋଲେଶନ୍ କକ୍ଷ ବା ସଙ୍ଗରୋଧ ପ୍ରକୋଷ୍ଠକରି ମହନୀୟତା ଦେଖାଇଛନ୍ତି ଜଣେ ଯୁବ ଡାକ୍ତର । ସାନଖେମୁଣ୍ଡି ବ୍ଲକ୍ ଅଧିନସ୍ଥ ସାହାସପୁର ପ୍ରାଥମିକ ଚିକିତ୍ସା କେନ୍ଦ୍ର ଡାକ୍ତର ଅଭିଶେଷ ଆଚାର୍ଯ୍ୟ ନିଜର କ୍ୱାଟର୍ସକୁ ସଙ୍ଗରୋଧ ପ୍ରକୋଷ୍ଠ କରିବା ପାଇଁ ଘୋଷଣା କରିବାପରେ ବିଭିନ୍ନ ମହଲରୁ ପ୍ରଶଂସାର ସୁଅ ଛୁଟୁଛି । ଲକ୍ ଡାଉନ୍ ପାଇଁ ସମସ୍ତେ ଘରେ ରହିଥିବା ବେଳେ ନିର୍ଭିକ ଓ ନିସ୍ୱାର୍ଥପର ସେବାକରି ଅଞ୍ଚଳରେ ଶ୍ରାଦ୍ଧଭାଜନ ହୋଇପାରିଥିବା ଡାକ୍ତର ଶ୍ରୀ ଆଚାର୍ଯ୍ୟ ଅଞ୍ଚଳବାସୀଙ୍କ ପାଇଁ ଏବେ ଭଗବାନ ସଦୃଶ୍ୟ ହୋଇଛନ୍ତି । ଯେଉଁ ଲୋକ ବାହାର ରାଜ୍ୟରୁ ଆସୁଛନ୍ତି ସେମାନେ ବିନା ଡର ଓ ଭୟ ନକରି ଡାକ୍ତର ଶ୍ରୀ ଆଚାର୍ଯ୍ୟଙ୍କ ସହ ଯୋଗାଯୋଗକରି ଉକ୍ତ ସଙ୍ଗରୋଧ ପ୍ରକୋଷ୍ଠରେ ରହିପାରିବେ ବୋଲି ଜଣାପଡିଛି ।
