ଗଞ୍ଜାମ– କୋରାନା ସଂକ୍ରମଣକୁ ପ୍ରତିହତ କରିବା ନେଇ ଗଞ୍ଜାମ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ କଟକଣା ଜାରୀ କରାଯାଇଥିବା ବେଳେ ଆଜି ଗଞ୍ଜାମ ଜିଲ୍ଲା ସାନଖେମୁଣ୍ଡି ବ୍ଲକ୍ ଖଲିଙ୍ଗି ଗ୍ରାମରେ ଲୋକଙ୍କ ଭିଡ଼ ଦେଖିବାକୁ ମିଳିଥିଲା । ଏହି ଭିଡ଼ ସମୟର ଦୃଶ୍ୟକୁ ନିଜ କ୍ୟାମେରାରେ ଉତୋଳନ କରିବା ସହିତ ଖବର ସଂଗ୍ରହ କରୁଥିବା ବେଳେ ଏକ ନ୍ୟୁଜ୍ ଚ୍ୟାନେଲର ଦିଗପହଣ୍ଡି ସାମ୍ବାଦିକ କାଳୁଚରଣ ନାହାକଙ୍କୁ ଆଜି ସକାଳେ ପାଟପୁର ଥାନାର ଜଣେ ଏଏସଆଇ ଓ ଅନ୍ୟ ଜଣେ କନଷ୍ଟେବଳ ଲାଠି ମାଡ କରିଥିବା ଅଭିଯୋଗ ହୋଇଛି । ଦିଗପହଣ୍ଡି ପ୍ରେସ୍ କ୍ଲବ୍ ପକ୍ଷରୁ ଘଟଣାର ଦୃଢ଼ ନିନ୍ଦା କରାଯାଇଛି । ଏପରି ସ୍ଥିତିରେ ପାଟପୁର ପୋଲିସକୁ ସମସ୍ତ ସାମ୍ବାଦିକ ଅସହଯୋଗ କରିବାକୁ ପ୍ରେସ୍ କ୍ଲବ୍ ପକ୍ଷରୁ ଆହ୍ୱାନ ଦିଆଯାଇଛି । ଅନ୍ୟପକ୍ଷରେ ଘଟଣାର ନିରପେକ୍ଷ ତଦନ୍ତ ଓ ଅଭିଯୁକ୍ତ ଦୁଇ ପୋଲିସ କର୍ମଚାରୀଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ ପାଇଁ ଦାବି ହୋଇଛି ।
