କରୋନା ଜାଂଚ ପାଇଁ  ମଂଜୁରୀ ପ୍ରାପ୍ତ ୧୧୪ଟି ସରକାରୀ ଲାବରୋଟରି ମଧ୍ୟରୁ ଓଡିଶାର ଦୁଇଟି ସାମିଲ 

ଭୁୁବନେଶ୍ୱର  – ଇଣ୍ଡିଆନ କାଉନସିଲ ଅଫ ମେଡିକାଲ ରିସର୍ଚ  (ଆଇସିଏମଆର) ଦ୍ୱାରା  କରୋନା ଭାଇରସରର ପରୀକ୍ଷଣ କରିବା ପାଇଁ ୧୧୪ ଟି ସରକାରୀ ଲାବରୋଟରୀକୁ ମଂଜୁରୀ ପ୍ରଦାନ କରା ଯାଇଛି । ଏହି ମଂଜୁରୀପ୍ରାପ୍ତ ଲାବରୋଟରୀ ମଧ୍ୟରେ ଭୁବନେଶ୍ୱର ସ୍ଥିତ ଆରଏମଆରସିର ଲାବରୋଟରୀ ସହିତ  ଭୁବନେଶ୍ୱର ସ୍ଥିତ ଅଖିଳ ଭାରତୀୟ ଆୟୁର୍ବିଜ୍ଞାନ ସଂସ୍ଥାନ ମଧ୍ୟ ସାମିଲ ରହିଛି ।  ଆଇସିଏମଆର ପକ୍ଷରୁ ଏହି ସୂଚନା ଦିଆ ଯାଇଛି ।

ଆଇସିଏମଆର ପକ୍ଷରୁ ଦିଆ ଯାଇଥିବା ସୂଚନା ଅନୁସାରେ କରୋନା ପରୀକ୍ଷଣ ପାଇଁ  ଏହି ୧୧୪ଟି ପରୀକ୍ଷାଗାର ମଧ୍ୟରୁ   ବର୍ତମାନ ସୁଦ୍ଧା ୮୭ଟି  ଅପରେସନାଲ ଥିବା ବେଳେ ବଳକା ୨୭ଟି ଅପରେସନାଲ କରା ଯିବା ପ୍ରକ୍ରିୟାରେ ରହିଛି ।